Mariko 2:27 - MUMA MALER 2015

²⁷ Eka Yesu nomedo wacho niya, “Sabato ne oketi nikech dhano, to dhano ne ok ochue nikech Sabato.

Motingʼo Loko Manyien

²⁷ Yesu nodhi nyime mowachonegi niya, “Sabato noketi nikech dhano, to dhano ne ok ochwe nikech Sabato.

Mariko 2:27 ပူးပေါင်းရင်းမြစ်များ

Jo-Kolosai 2:16

Kuom mano, kik uwe ng’ato ketnu chik kuom gik ma uchamo kata gik mumadho, kata kuom wach sawo moro, kata kuom rito ndalo mag due mopor kata Sabato.

Luka 6:9

Eka Yesu nowachonigi ni, “Koro apenjou! Ere gima Chikwa oyienwa timo chieng’ Sabato? Timo gima ber, koso timo gima rach? Reso ngima ng’ato koso ketho ngimane?”

Rapar mar Chik 5:14

to chieng’ mar abiriyo en chieng’ yueyo mowal ni Ruoth Nyasaye ma Nyasachu. Chieng’no un, kaachiel gi yawuotu kod nyiu, kata wasumbu machwo gi mamon, kata ruethu kata kenjeu kata dhou, kata mana jodak manie miechu kik ti tich moro. Mano en ni mondo wasumbu machwo gi mamon oyue kaka un bende uyueyo.

Ezekiel 20:12

Ne aketo ndalo mag Sabatona obed ranyisi mar winjruok e kinda kodgi, mondo oparnigi ni an Ruoth Nyasaye ema ayierogi mondo gibed maga.

Isaya 58:13

Ka urito chieng’ Sabato maler, ma ok utiyo tijeu uwegi, kendo ka ok utimo gik ma un ema udwaro chieng’no, to uhulo ni chieng’no en chieng’ mor, kendo chiengg’ mowal ni Ruoth Nyasaye, kendo umiyo Ruoth Nyasaye duong’ kuom weyoo loko ohala, kendo kuweyo weche manono,

Ezekiel 20:20

Nyaka une ni ndalo mag Sabatona orit maler, mondo obed ranyisi mar singruok manie kinda kodu, mondo oparnu ni an Ruoth Nyasaye e Nyasachu.’

Wuok 23:12

“Unuti kuom ndalo auchiel, to chieng’ mar abiriyo kik uti, mondo dhou gi kenjeu oyue, kendo mondo chuny wasumbu kod chuny jodak oduogi.

Johana 7:23

To ka un utero nyathi nyangu chieng’ Sabato, mondo kik uketh Chik Musa, to marang’o ukecho koda kuom chango ng’ato chieng’ Sabato, mi dende duto bed mangima?

2 Jo-Korintho 4:15

Mago duto obetie nikech un, mondo kaka ji mayudo ng’wono mogundho mar Nyasaye medore, e kaka erokamano mimiyogo Nyasaye duong’ bende omedore.

Rapar mar Chik 5:12

“ ‘Rituru chieng’ Sabato kendo uwale ni Ruoth Nyasaye, kaka Ruoth Nyasaye ma Nyasachu nochikou.

Mariko 2:28

Kuom mano Wuod Dhano en ruoth kata mana mar Sabato bende.”