Mariko 2:21 - MUMA MALER 2015

²¹ “Onge ng’ama bawo law moti gi rabaw manyien, nikech kotimo kamano, to rabaw manyienno dijow law motino, mi med yieche moloyo.

Motingʼo Loko Manyien

²¹ “Onge ngʼama twangʼo rabaw mar law manyien kuom law moti. Ka otimo kamano to rabaw mar law manyien-no biro mich mi ywa law machon-no mi omed yiech moloyo.

Mariko 2:21 ပူးပေါင်းရင်းမြစ်များ

Isaya 57:16

Ok anabed kadhaw ndalo duto, bende ok anabed kakecho nyaka chieng’, nimar ka da bed ni atimo kamano, to ji duto mane achueyo ditho.

Mathayo 9:16

“Onge ng’ama nyalo bawo law moti gi rabaw manyien, nikech rabawno dijow lawno, mi med yieche moloyo.

Mariko 2:20

To ndalo biro ma nogolie wuon kisera kuomgi, kendo ginitue chiemo e ndalogo.

Mariko 2:22

Bende onge ng’ama nyalo olo divai manyien mapok ochiek e ndede moti, nikech kotimo kamano, to ndedego diyiechi mi kethre, kendo divai pukre. Kuom mano, divai manyien nyaka ol mana e ndede manyien!”

Luka 5:36

Eka Yesu nogoyonigi ngero niya, “Onge ng’ama nyalo yiecho law manyien mondo obawgo law moti, nikech kotimo kamano to oketho law manyien, to bende rabaw mowuok kuom law manyien ok diwinjre gi law machon.

1 Jo-Korintho 10:13

Onge tem ma useyudo mopogore gi tem ma ji duto yudo. Nyasaye en jaadiera, omiyo ok noyie mondo uyud tem mohingo tekreu, to nomiu yo ma uwuokgo e tem moro amora, kendo nomiu teko mar dhil gi tem go.