Mariko 2:2 - MUMA MALER 2015

² Kuom mano ji nobiro mochokore mang’eny nyaka e dhoot, ma onge kata kama bolie luth. Kane oyudo Yesu puonjogi Wach Maber,

Motingʼo Loko Manyien

² Kuom mano ji mangʼeny nochokore mopongʼo ot mane entie maonge kama ilwaroe kata mana kede, koda ka dhoot oko, to Yesu nopuonjogi Wach.

Mariko 2:2 ပူးပေါင်းရင်းမြစ်များ

Zaburi 40:9

A Ruoth Nyasaye, asehulo wach maber e chokruok maduong’ ni in e jawar. Ing’eyo ni ok anyal mung’o wachno, yaye Nyasaye.

Mathayo 5:2

mi ochako puonjogi. Nowacho niya:

Mariko 1:14

Kane osemak Johana moter e tuech, Yesu nodhi Galili, mi olando Wach Maber mar Nyasaye,

Mariko 1:33

kendo jogweng’no duto nochokore e nyim dhoot.

Mariko 1:37

to kane giyude, ne giwachone niya, “Ji duto dwari.”

Mariko 1:45

Ng’atno to kane osea kanyo, to ochako mana lando wachno. Adier, nolando wachno kamoro amora, ma koro Yesu ne ok nyal dhi e dala moro ka ji nene, ne en mana oko kuonde ma onge joma odakie. Kata kamano, ji moa kuonde duto nosiko ka dhi adhiya ire.

Mariko 2:1

Bang’ ndalo manok, Yesu noduogo Kapernaum, mi wach nolandore ni entie.

Mariko 2:13

Yesu nochako odok e dho nam Galili, kendo ji mathoth nobiro ire, mi opuonjogi.

Mariko 6:34

Kane Yesu ochopo, mi owuok e yie, noneno oganda maduong’no, mi okechogi, nimar ne gichalo rombe ma onge jakwath. Kuom mano, nopuonjogi weche mang’eny.

Luka 12:1

E kindeno, kane ji osechokore gana gi gana ma koro ginyonore anyona, Yesu nokwongo owuoyo gi jopuonjrene, kowachonigi niya, “Beduru motang’ ni thop jo-Farisai, ma en mana wuondruok.

Luka 5:17

Chieng’ moro kane Yesu puonjo, jo-Farisai moko kod jopuonj Chik mane oa e mier duto mag Galili gi Judea kod Jerusalem ne obet kanyo. Yesu ne nigi teko mar Ruoth mondo ochanggo ji.

Luka 8:1

Bang’ kinde moko, Yesu nowuotho e mier madongo kod matindo duto, kalando Wach Maber mar Loch Nyasaye. Jopuonjrene apar gariyo bende ne jodhi kode,

Luka 8:11

Eka nowacho ni jopuonjrene niya, “Tiend ngerono e ma: Kodhi en wach Nyasaye.

Tich Joote 11:19

Ji duto mane oseke nikech sand mane owuok bang’ nek Stefano nodhi e pinje mopogore opogore, kaka Foinike gi Saipras kod dala mar Antiokia manie piny Kilikia, to ne githoro lando wach mana ni jo-Yahudi kende.

Tich Joote 14:25

Eka ne gilando Wach e dala mar Herga, bang’e ne gidhi Atalia,

Tich Joote 16:6

Ne giwuotho e piny Frugia gi piny Galatia, ka gilando Wach Maber. Nikech Roho Maler nokwerogi ni kik giland Wach e piny Asia.

Tich Joote 8:25

Kane gisenyiso ji gik ma ging’eyo kuom Yesu, kendo gipuonjogi Wach Ruoth, ne gidok Jerusalem. To kane ginie yo gidok, ne gilando Wach Maber e miech Samaria mang’eny.

Jo-Rumi 10:8

Ooyo Muma wacho kama: “Wach Nyasaye chiegni kodi; en mana e dhogi kendo e chunyi.” En e wach mar yie mwalando niya,

2 Timotheo 4:2

land Wach Nyasaye, kendo ket chunyi kuom tijno kinde duto, kata ka piny ber kata rach. Kwer weche duto ma ok ni kare. Kendo rie weche maricho, kijiwo ji kendo ipuonjo gi kinda duto.