Mariko 2:19 - MUMA MALER 2015

¹⁹ Yesu nodwokogi niya, “Uparo ni wend kisera nyalo tueyo chiemo adier, ka wuon kisera pod ni kodgi? Ooyo, ka wuon kisera pod ni kodgi, to ok ginyal tueyo chiemo.

Motingʼo Loko Manyien

¹⁹ To Yesu nodwokogi niya, “Ere kaka welo mag wuon kisera ditwe chiemo adier ka pod en kodgi?” Chutho, ok ginyal tweyo chiemo kapod gin kode.

Mariko 2:19 ပူးပေါင်းရင်းမြစ်များ

Chakruok 29:22

Kuom mano Laban notimo nyasi, moluongo jogweng’no duto.

Zaburi 45:14

Ne otere ir ruoth ka orwakore gi law majaber, ka nyige mag harusi luwe. Nyigo bende nokel ir ruoth.

Wer Mamit 6:8

Ruoth nigi mon piero auchiel, gi mamoko piero aboro, kaachiel gi nyiri mokadho akwana.

Mathayo 9:15

Yesu nodwokogi niya, “Uparo ni wend kisera nyalo bedo mokuyo, ka wuon kisera pod ni kodgi? Ngang’! Mano ok nyalre! To ndalo biro ma nogolie wuon kisera kuomgi, eka ginitue chiemo.

Mariko 2:18

Chieng’ moro, kane oyudo jopuonjre mag Johana Jabatiso kod jo-Farisai jotueyo chiemo, jomoko nobiro ir Yesu, mopenje niya, “Ang’o momiyo jopuonjre mag Johana Jabatiso kod mag jo-Farisai jotueyo chiemo, to jopuonjreni to ok tim kamano?”

Mariko 2:20

To ndalo biro ma nogolie wuon kisera kuomgi, kendo ginitue chiemo e ndalogo.