Mariko 2:18 - MUMA MALER 2015

¹⁸ Chieng’ moro, kane oyudo jopuonjre mag Johana Jabatiso kod jo-Farisai jotueyo chiemo, jomoko nobiro ir Yesu, mopenje niya, “Ang’o momiyo jopuonjre mag Johana Jabatiso kod mag jo-Farisai jotueyo chiemo, to jopuonjreni to ok tim kamano?”

Motingʼo Loko Manyien

¹⁸ Nochopo kinde ma jopuonjre Johana kod jo-Farisai tweyo chiemo. Jomoko nobiro mopenjo Yesu: “Ere kaka Jopuonjre mag Johana kod jopuonjre mag jo-Farisai jotweyo chiemo to jopuonjreni to chiemo achiema?”

Mariko 2:18 ပူးပေါင်းရင်းမြစ်များ

Mathayo 23:5

Gik moko duto ma gitimo, gitimo mana ni mondo ji onegi. Gitueyo gik madongo moting’o weche Muma, e pat wag’gi kendo e bedegi, kendo girwako lewni momin usi maboyo e riakgi,

Mathayo 6:16

“Ka utueyo chiemo, to kik ujuond wang’u kaka joma wuondore ni ohero Nyasaye timo, nikech gin gijuondo wang’gi mondo ji one maonge kiawa ni gitueyo chiemo. Adier awachonu ni gin giseyudo pokgi.

Mathayo 6:18

mondo ji kik ng’e ni itueyo chiemo, to mak mana Wuonu ma ok ne ema mondo ong’e, eka Wuonu nogo maneno gik motim ling’ling’ nomiyi pokni.

Mariko 2:19

Yesu nodwokogi niya, “Uparo ni wend kisera nyalo tueyo chiemo adier, ka wuon kisera pod ni kodgi? Ooyo, ka wuon kisera pod ni kodgi, to ok ginyal tueyo chiemo.

Luka 18:12

Atweyo chiemo diriyo e juma ka juma, kendo achiwoni achiel kuom apar mag gik moko duto ma anwang’o.’

Jo-Rumi 10:3

nikech pok ging’eyo yo ma Nyasaye miyogo ji bet e winjruok kode, to gise mana temo loso yorgi giwegi. Kamano ne ok giyie luwo yo ma Nyasaye miyogo ji bet e winjruok kode.