Mariko 16:1 - MUMA MALER 2015

¹ Kane chieng’ Sabato oserumo, Maria nyar Magdala gi Salome kod Maria min Jakobo ne jong’iewo mo mang’ue ng’ar mondo gidhi giwirgo ringre Yesu.

Motingʼo Loko Manyien

¹ Bangʼ ka Sabato oserumo, Maria ma aa Magdala gi Maria min Jakobo kod Salome nokelo modhi mangʼwe ngʼar mondo giwirgo ringre Yesu.

Mariko 16:1 ပူးပေါင်းရင်းမြစ်များ

Chakruok 50:2

Eka nochiko jotichne ma jothieth mondo owir ringre wuon mare gi yath, kik tow. Mi ne gitimo kamano,

2 Weche mag Ndalo 16:14

Noyike e liende ma nokunyo e dala Daudi. Ne gikete e ng’ango mopong’ gi gik mang’ue ng’ar mane joma olony e tijno oseloso, kendo ne giloso mach mang’ongo ahinya ka gimiyego duong’.

Mariko 14:3

Kane Yesu ni Bethania, ka chiemo e od Simon jadhoho, dhako moro nobiro gi chupa molos gi alabasta, moting’o mo mang’ue ng’ar ma nengo ne tek miluongo ni nard. Ne oturo ng’ut chupano mi oolo morno ewi Yesu.

Mariko 14:8

Dhakoni osetimo gima onyalo. Osewiro ringra chon gi mo, mondo obed moikore ne yik.

Mariko 15:40

Mon moko bende ne ni kanyo kang’icho gi chien. Kuomgi ne nitie Maria nyar Magdala, gi Salome, kod Maria min Jakobo matin gi Jose.

Mariko 15:42

Kane koro piny ochopo odhiambo, kendo kaka ne en chieng’ Ikruok, tiende ni chieng’ motelo ni Sabato,

Mariko 15:47

Maria nyar Magdala kod Maria min Jose ne jo ni kanyo, mi oneno kama oketie ringre Yesu.

Mariko 16:2

Ne gichopo kar liel gokinyi mang’ich, chieng’ Jumapil, ka chieng’ wuok.

Mariko 16:8

Kamano mon-go nowuok oko, moringo oa kar liel, nikech kibaji malich nomakogi. To ne ok giwachone ng’ato gimoro amora, nikech ne giluor. [

Luka 23:54

Chieng’no ne chieng’ Ikruok, tiende ni tich abich, kendo Sabato ne okayo machiegni.

Luka 23:56

Bang’e ne gidok Jerusalem, mi giloso mo mang’ue ng’ar kod yath madum mamit. Chieng’ Sabato to ne giyueyo kaka Chik Musa dwaro.

Luka 24:1

Gokinyi mang’ich, chieng’ Jumapil, mon-go nodhi e liel, koting’o gik mang’ue ng’ar mane giseloso.

Johana 19:25

Koro min Yesu gi nyamin min mare, gi Maria chi Klopa, kod Maria nyar Magdala, ne jochung’ e tiend msalape.

Johana 19:31

Ne en chieng’ motelo ni chieng’ Sabato. Omiyo jo-Yahudi nodhi mokwayo Pilato mondo oyienigi gitur tiend joma ne ogurgo, otho. Ne gikwayo kamano mondo gigol jogo oko e msalaba, kik ringregi bedi e msalaba chieng’ Sabato, nikech chieng’ Sabato ne en chieng’ maduong’.