Mariko 13:7 - MUMA MALER 2015

⁷ Bende kik chunyu parre ka uwinjo mahu mag lwenje man kuonde machiegni, kata wach lwenje man kuonde maboyo. Gik ma kamago nyaka timre, to mano ok onyiso ni giko mar piny osechopo.

Motingʼo Loko Manyien

⁷ Ka uwinjo ka pinje gore koni gi koni kod humbe mag lwenje to kik kibaji gou. Gik ma kamago nyaka timre, to giko piny to pod ni nyime.

Mariko 13:7 ပူးပေါင်းရင်းမြစ်များ

2 Samuel 14:14

Waduto wabiro tho, nikech wachalo gi pi mopukore piny, ma ok nyal twom kendo. Kata kamano, Nyasaye ok dwar mondo ng’ato otho, to oloso wach mondo jal moriemb oduog dala.

Zaburi 112:7

Ok oluoro winjo weche makelo kuyo, nikech yie ma en go otegno, kendo ogeno kuom Ruoth Nyasaye.

Zaburi 27:3

Kata ka oganda lweny maduong’ ema obiro mondo omonja, to ok dabed maluor, kendo kata ka an e lweny mager, to pod ageno mana kuom Nyasaye.

Ngeche 3:25

Kik ibed maluor kineno ka joma ofuwo kihondko nego, kata ka masira omako joma timbegi mono,

Isaya 8:12

Gik ma jogi luongo ni ler, kik iluong ni ler. Bende gik ma giluoro kik iluor, kata kik goyi kibaji.

Jeremia 51:46

Kuwinjo wach moro marach, kaka wach lweny, kata ni ruoth moro kedo gi wadgi, to kik chunyu parre, kata kik ubed maluor, nikech higa ok kadhi mak weche makamago olandore.

Mathayo 18:7

Gik mamiyo ji donjo e richo nomi ji modak e piny ne malit. Gik ma kamago ok nyal bare mak obetie, to mano kaka nobed malit ni ng’at makelogi!

Mathayo 2:3

To kane ruoth Herode owinjo wachno, kibaji nogoye ahinya, kaachiel gi jo-Jerusalem duto.

Mariko 13:6

Ji mang’eny nobi gi nyinga, ka wacho ni, ‘An e en’ mi ginimi ji mathoth lal.

Mariko 13:8

Ogendini noked gi ogendini wetegi, kendo ruodhi nomonj ruodhi wetegi. Piny noyiengni kuonde mopogore opogore, kendo kech bende nobedie. To masichego gin mana chakruok mar ndalo manyien.

Johana 14:1

Bang’ mano Yesu nowachonigi niya, “Kik chunyu parre. Yieuru kuom Nyasaye, to kuoma bende yieuru.

Johana 14:27

Kue ema koro aweyonu. Adier, kue mara awuon ema amiyou. En kue ma pinyni ok nyal chiwo. Kik chunyu parre, kendo kik ubed maluor.

Tich Joote 17:3

koelonigi tiend wechego, kendo onyisogi ni Mesia nyaka ne sandi, mi chier a kuom joma otho. Nopuonjogi ni, “Yesu ma awuoyonu kuomeni e Mesia.”