Mariko 13:23 - MUMA MALER 2015

²³ Omiyo beduru motang’, nikech asenyisou weche duto chon.

Motingʼo Loko Manyien

²³ Emomiyo ritreuru un uwegi; asenyisou gik moko duto motelo kapok kindego ochopo.

Mariko 13:23 ပူးပေါင်းရင်းမြစ်များ

Mathayo 24:25

Ero, koro asenyisou wachno chon.

Mathayo 7:15

“Beduru motang’ ni jonabi mag miriambo, mabiro iru korwakore gi lep rombe, to chutho gin mana ondiegi mangemo!

Mariko 13:22

nikech Mesia mag miriambo kod jonabi ma ok madier notuchi. Ginitim ranyisi kod honni, mondo kanyalore to giwuondgo kata mana joma Nyasaye oyiero.

Mariko 13:24

“To e ndalo moko bang’ masirano, ‘Wang’chieng’ noimre, kendo due ok norieny.

Mariko 13:33

Beduru motang’, ma ok unindi, nikech ok ung’eyo chieng’ ma gigo notimree.

Mariko 13:5

Eka Yesu nowachonigi ni, “Beduru motang’, mondo ng’ato kik wuondu.

Mariko 13:9

“Un uwegi nyaka ubed motang’, nimar enomaku mi yalu e bura. Bende nochwadu e ut lemo, kendo unuchung’ e nyim jotelo gi ruodhi nikech an, mondo ulandnigi Injili.

Luka 21:34

“Ritreuru mondo kik utim anjawo, kata kik ubed jomer kata joma parore kuom gik manie pinyni, nono to chieng’no biro poyou mana ka obadho,

Luka 21:8

Yesu nodwokogi niya, “Beduru motang’, mondo kik wuondu, nikech ji mang’eny nobi gi nyinga, kawacho ni, ‘An e en,’ kendo ni, ‘Ndalo chiegni.’ To kik uluwgi!

Johana 14:29

To bende asenyisou kapok gigi otimore, ni mondo ka gitimore, to uyie.

2 Petro 3:17

To un osiepena, useng’eyo wechegi chon, omiyo beduru motang’ mondo kik joma ok luw chik wuondu, mi ukier uwe kama uchung’ie motegno.