Mariko 12:6 - MUMA MALER 2015

⁶ Ng’at achiel ma koro wuon puodho ne pod odong’go monyalo oro, ne mana wuode owuon. Kuom mano e gikone nooro wuodeno ir jopurgo, koparo niya, ‘Wuoda to ang’eyo ni gibiro miyo luor.’

Motingʼo Loko Manyien

⁶ “Ne pod odongʼ gi ngʼat achiel mane koro onyalo oro: wuode owuon mane ohero gi lala. Ne oore mogik tik koparo ni, ‘Wuoda awuon to gibiro miyo luor.’

Mariko 12:6 ပူးပေါင်းရင်းမြစ်များ

Chakruok 22:12

Eka malaikano nokwere ni, “Kik ineg wuodi, kata kik itimne gimoro marach, nikech koro ang’eyo ni in ng’at moluoro Nyasaye, nimar ok isetama e wuodi ma miderma.”

Chakruok 22:2

Eka Nyasaye nowachone niya, “Kaw Isaka, wuodi ma miderma kendo mihero, mondo udhigo e piny Moria. Kuchopo kuno to chiwe ka misango e wi got moro ma abiro nyisi.”

Chakruok 37:3

Jakobo nohero Josef moloyo yawuote duto, nikech nonywole koseti, omiyo notwang’one kandho ma bade boyo.

Chakruok 44:20

mi ne wadwoki ni wan gi wuonwa ma tinde oti, kod owadwa matin monywolo koseti. To owadgi rawerano notho, kendo en kende e nyathi min mare modong’; omiyo wuon mare ohere ahinya.

Zaburi 2:12

kendo kulreneuru kuboloru, nikech dipo ka okecho, mi utho apoya, nimar iye jawang’ piyo. To joma ogeno kuome gin johawi.

Zaburi 2:7

Ruodhno to wacho kama, “Abiro hulo gima Ruoth Nyasaye osewacho. Nowachona niya, ‘In e wuoda. Tinende asedoko wuoru.

Isaya 42:1

Neuru! Ma e jatichna ma atayo. En ng’at ma aseyiero, kendo ma chunya morgo. Aseketo roho mara kuome, omiyo obiro kelo adiera ni ogendini.

Mathayo 1:23

“Nyako nomak ich, mi nonywol wuowi, kendo nochake ni Emanuel, tiende ni, Nyasaye ni kodwa.”

Mathayo 11:27

“Wuora oseketo gik moko duto e lweta. To onge ng’ama ong’eyo Wuoro to mak mana Wuowi, kod joma Wuowi omiyo ong’eye.

Mathayo 17:5

To kane pod owuoyo, bor polo marieny nobiro moumogi gi tipone, kendo ne giwinjo dwol moro ka wacho gie bor polo niya, “Ma e Wuoda mahero. Chunya mor kode. Winjeuru.”

Mathayo 26:63

Yesu to noling’ aling’a thi. Jadolo maduong’ nowachone niya, “Aketi mondo ikuong’ri gi nying Nyasaye Mangima: Nyiswa ane ka in Kristo, Wuod Nyasaye.”

Mathayo 3:17

Eka duol nowuoyo gie polo niya, “Ma e Wuoda ma ahero. Chunya mor kode.”

Mariko 1:11

Eka duol noa e polo, ma wacho niya, “In e Wuoda mahero. Chunya mor kodi!”

Mariko 12:5

Bang’ mano nochako ooro jatich machielo, to jali koro ne ginego anega. Ne omedo oro joote mamoko mang’eny, to jopurgo notimonigi marach, ka goyo moko kuomgi, to moko ginego.

Mariko 12:7

To kane jopurgo oneno wuodeno, ne giwacho e kindgi giwegi niya, ‘Jali ema biro bedo wuon lowo, omiyo biuru wanege, mondo puodho odong’nwa.’

Mariko 9:7

Eka bor polo nobiro moumogi gi tipone, kendo ne giwinjo dwol moro kowacho gi e bor polono niya, “Mae wuoda mahero! Winjeuru.”

Luka 3:22

mi Roho Maler nolor kuome e kido machalo gi akuru. Eka duol noa e polo, mawacho niya, “In e Wuoda ma ahero. Chunya mor kodi.”

Luka 9:35

Eka ne giwinjo duol moro kawacho gie bor polono niya, “Ma e Wuoda ma aseyiero! Winjeuru!”

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Johana 1:18

Onge ng’ama oseneno Nyasaye, to Wuowi ma miderma, machiegni gi Wuoro moloyo, ema osemiyo wang’eye.

Johana 1:34

Koro aseneno mano katimore, kendo anyisou ni en e Wuod Nyasaye.”

Johana 1:49

Nathaniel nodwoke ni, “Japuonj, in e Wuod Nyasaye! In e Ruodh Israel!”

Johana 3:35

Wuoro ohero Wuowi, kendo oseketo gik moko duto e lwete.

Johana 5:23

mondo ji duto omi Wuowi duong’ mana kaka gimiyo Wuoro. Ng’at ma ok mi Wuowi duong’, to ok mi Wuoro mane ooro Wuowi duong’.

Jo-Hibrania 1:6

To bende kane Nyasaye chiegni kelo Wuode makayo e piny, to ne owacho niya, “Malaika duto mag Nyasaye mondo olame.”

1 Johana 4:9

Nyasaye nyisowa hera moherowago kuom oro Wuode ma miderma e piny ni mondo wayud ngima kuome.

3 Johana 1:1

An jaduong’, andikoni in Gayo, osiepna ma ahero gi hera maradier.