Mariko 12:1 - MUMA MALER 2015

¹ Bang’e Yesu nochako wuoyo kodgi gi ngeche, kowacho niya, “Ng’at moro noloso puoth mzabibu. Nochielo puodhono, mokunyo bur mibiyoe mzabibu, kendo ogerone kar rito. Eka ne oweye e lwet jopur, mi owuok odhi e piny moro mabor.

Motingʼo Loko Manyien

¹ Bangʼ mano Yesu nochako wuoyo kodgi gi ngeche mopogore opogore kama: “Ngʼat moro ne opidho mzabibu e puothe. Nochiele gi ohinga, mi okunyo bugo mibiyoe olemo mochiek, kendo ogero ne osuch ngʼicho. Eka ne oketo puothe mar mzabibuno e lwet jopur moko bangʼe nowuok odhi e wuoth moro mabor.

Mariko 12:1 ပူးပေါင်းရင်းမြစ်များ

Isaya 7:23

E ndalogo puothe ma yande nitie mzabibu mang’eny ma nengogi tek nolokre bunge mogawore gi kuthe kod pedo.

Jeremia 2:21

Ne apidhou ka ng’ama pidho mzabibu moyier, mana ka kodhi maberie moloyo, to neyeuru kaka koro uchalo! Uchalo gi mzabibu marach ma ok nyag olemo mabeyo.

Ezekiel 20:49

To an Ezekiel, ne adwoko Ruoth nyasaye niya, “Yaye Ruoth Nyasaye, ji duto wacho ni, ‘Jali obembowa gi ngeche mathoth!’ ”

Mathayo 13:3

Noloso kodgi gi ngeche kuom weche mang’eny. Nowachonigi niya, “Ng’at moro ne odhi chuoyo,

Mathayo 21:28

“To koro uparo nadi kuom wachni? Ng’at moro ne nigi yawuowi ariyo. Nodhi ir wuode maduong’, mowachone niya, ‘Nyathina, kawuono dhiyo mondo iti e puoth mzabibu.’

Mathayo 21:33

“Koro winjuru ngero machielo. Ne nitie ng’at moro mane oloso puoth mzabibu. Nochielo puodhono, mokunyone bur mibiyoe mzabibu, kendo ogerone kar rito. Eka ne oweye e lwet jopur, mi owuok odhi e piny moro mabor.

Mathayo 21:34

To kane ndalo pono mzabibu ochopo, nooro jotichne ir jopurgo, mondo oomne olemo monego oyudi.

Mathayo 25:14

“Loch Polo nobed machal gi ng’at moro mane dwaro dhi wuoth kuma bor, mi oluongo jotichne mondo owe gige e lwetgi.

Mariko 11:33

Kuom mano, ne gidwoko Yesu niya, “Ok wang’eyo” Eka Yesu nowachonigi ni, “Ka kamano, to an bende ok anyal nyisou kuma ayudoe teko ma atimogo gigi.”

Mariko 13:34

Gik ma notimre chalo gi gik matimore ka ng’ato odhi wuoth kuma bor, to oweyo ni jotichne tich ma ng’ato ka ng’ato onego oti, kendo onyiso jarit rangach mondo onen.

Mariko 3:23

Kane Yesu owinjo kamano, noluongo ji mondo odhi ire, mi nogoyonigi ngeche moko kopenjo gi ni, “Ere kaka Satan diriembre kende owuon?

Mariko 4:2

Nopuonjogi weche mang’eny gi ngeche, kendo kane opuonjogi kamano, nowacho niya,

Luka 15:13

Bang’ ndalo manok, wuowi machogo noloko gige duto pesa, mi owuok odhi e piny moro mabor. Eka nodonjo e ngima mar anjawo kuno, motieko pesane duto.

Luka 19:12

Ne owacho niya, “Ng’at moro marahuma ne dwaro dhi e piny moro mabor mondo oyud teko mar duogo bedo ruoth e pinygi.

Luka 22:9

To ne gipenje ni, “Ere kama idwaro ni mondo walosee?”

Luka 8:10

mi nodwokogi niya, “Un osemiu ng’eyo weche mopondo mag Loch Nyasaye. Ji mamoko to ipuonjo mana e yor ngeche, kaka muma wacho ni, ‘Kata da ging’ichi manadi, to ok ginyal ng’eyo, bende kata da giwinji, to wach ok nyal donjonigi.’ ”

Tich Joote 7:38

Bende en ema ne en gi jo-Israel, kochokore e thim. Ne en kuno gi kwerewa kod malaika mane owuoyo kode e got Sinai, kendo en ema noyudo weche mangima mag Nyasaye mondo onyiswa.