Mariko 11:1 - MUMA MALER 2015

¹ Kane gin machiegni gi Jerusalem, e mier mag Bethfage gi Bethania, but got Zeituni, Yesu nooro jopuonjrene ariyo mondo otel nyime,

Motingʼo Loko Manyien

¹ Kane gichiegni chopo Jerusalem, ka gin e miech Bethfage kod Bethania manie Got Zeituni, Yesu nooro jopuonjrene ariyo

Mariko 11:1 ပူးပေါင်းရင်းမြစ်များ

2 Samuel 15:30

To Daudi noidho got Zeituni ka ywak, koumo wiye, kendo ka en gi tiende nono. Ji duto mane ni kode bende noidho got koumo wigi, kendo ka ywak.

Zekaria 14:4

Chieng’no enochung’ e got Zeituni, ma omanyore gi Jerusalem yo wuok chieng’, kendo godno nobarre mi hoho maduong’, mochakore yo wuok chieng’ nyaka podho chieng’, poge ariyo. Bath got konchiel nodog yo nyandwat to bathe komachielo nodog yo milambo.

Mathayo 21:17

Bang’ mano noa Jerusalem oweyogi, modhi obworo Bethania.

Mathayo 24:3

Kane Yesu obet piny e got Zeituni, jopuonjrene nobiro ire kar kende, mowachone niya, “Nyiswa ane kinde ma gigi duto notimree, kod gima notimre ma nyiso ni kinde mibiro duogoe, kod kinde mar giko piny, osechopo.”

Mathayo 26:30

Bang’ mano ne giwer, to kane gisewer, ne giwuok gidhi e got Zeituni.

Mariko 11:2

kowachonigi ni, “Dhiuru e dala man nyimu cha, kendo ka uchopo kuno, to ubiro nwang’o nyathi kanyna motue en rangach, mapok ng’ato oidho nyaka nene. Gonyeuru ukele ka.

Mariko 13:3

Kane Yesu obet piny e got Zeituni, kama omanyore gi Hekalu, Petro gi Jakobo gi Johana kod Andrea ne jobiro ire kar kende,

Mariko 14:13

Eka Yesu nooro ji ariyo kuomgi konyisogi niya, “Dhiuru Jerusalem kendo ubiro romo gi ng’at moting’o dapi. Luweuru,

Mariko 6:7

Chieng’ moro, kane Yesu wuotho e mier mokiewo kanyo, kapuonjo ji, noluongo joote apar gariyo, mi oorogi ariyo ariyo. Ne omiyogi teko mar golo jochiende,

Johana 8:1

Yesu noa kanyo, modhi e got Zeituni.

Tich Joote 1:12

Bang’e joote nodok Jerusalem koa Got Zeituni, ma en kama bor ma dirom kilomita achiel gi Jerusalem.