Mariko 10:32 - MUMA MALER 2015

³² Kane gin e yo gidhi Jerusalem, Yesu ne wuotho kotelo e nyim jopuonjrene, mane oyudo hum nono. Jogo mane luwogi bende luoro nomako. Yesu nochako oluongo joote apar gariyo tenge, mi onyisogi gima biro timorene.

Motingʼo Loko Manyien

³² Koro ne gin e yo gidhi Jerusalem, ka Yesu otelo nyimgi kendo jopuonjre noyudo ohum nono, to joma ne luwogi ne luoro omako. Yesu nochako okawo jopuonjre apar gariyo otero tenge monyisogi gima ne dhi timorene.

Mariko 10:32 ပူးပေါင်းရင်းမြစ်များ

Zekaria 3:8

Koro yaye Joshua jadolo maduong’, in kaachiel gi jowadu mobet e nyima ka, chikuru itu. Un duto un ranyisi maber mar gik mabiro. Abiro kelo jatichna miluongo ni Badyath.

Mathayo 11:25

E kindeno Yesu nowacho niya, “A Wuora, ma Ruodh polo gi piny, agoyoni erokamano nikech isepando wechegi ni joma riek kod joma osomo, to isenyiso mana ji ajia.

Mathayo 13:11

Yesu nodwokogi niya, “Un osemiu ng’eyo weche mopondo mag Loch Polo; ji mamoko to ok omi,

Mariko 1:27

Ji duto mane ni kanyo nohum nono, mi gipenjore e kindgi giwegi ni, “Mano wach manadi! Ma e puonj manyien! Ng’atni nigi teko mar kwero kata mana jochiende maricho, mi winje!”

Mariko 4:34

Ne opuonjogi mana gi ngeche, to bang’e kane odong’ gi jopuonjrene kende, to onyisogi tiend weche duto.

Luka 10:23

Eka nolokore ir jopuonjrene, mowachonigi kar kendgi ni, “Un to, un johawi kuom neno gik munenogi!

Luka 19:28

Kane Yesu osegoyo ngero kamano, ne otelo odhi Jerusalem,

Luka 9:51

Kane kinde monego tergo Yesu e polo koro chiegni, ne owuok koketo chunye mondo odhi Jerusalem.

Johana 11:16

Eka Thoma mane onywol rude, nowacho ni jopuonjre wetene niya, “Wan bende wadhiuru mondo watho kode.”

Johana 11:8

To jopuonjrene nowachone niya, “Japuonj, donge jo-Yahudi yandi dwaro goyi gi kite? Ang’o momiyo pod idwaro dok kuno?”