Mariko 10:20 - MUMA MALER 2015

²⁰ Ng’atno nodwoke niya, “Japuonj, aserito chikego duto, chakre aa e nyathi.”

Motingʼo Loko Manyien

²⁰ Nodwoke niya, “Japuonj, magi duto aserito nyaka aa tin-na.”

Mariko 10:20 ပူးပေါင်းရင်းမြစ်များ

2 Timotheo 3:5

Ginitim gik mamiyo ginenore ka joma oluoro Nyasaye, to ngimagi to nonyis ni gionge gi teko ma luoro Nyasaye kelo. In to nyaka ibed mabor gi joma kamago.

Jo-Filipi 3:6

kendo kinda mane an-go kuom rito chik kwerewa nomiyo asando kanyakla mar jo-Kristo. Adier, onge ng’ama diyud ketho moro kuoma, nikech narito weche duto ma Chik dwaro.

Jo-Rumi 7:9

Chon ne ok ang’eyo wach Chik, to ne angima angima. To kane ang’eyo Chik, richo nodoko mangima, mi an to atho.

Mathayo 19:20

Wuowino to nodwoke ni, “Mago duto aserito, to koro ang’o mapod orema?”

Luka 10:29

To kaka ng’atno ne dwaro nyiso ni penjone riek, nomedo penjo Yesu ni, “Wadwa to en ng’a?”

Malaki 3:8

Dhano bende nyalo mayo Nyasaye gire koso?’ To adwokou niya, ‘Umaya adier!’ To ka upenja niya, ere kaka umaya? To adwokou niya, ‘Usemaya kuom dagi miya chiwo mar achiel kuom apar kod mag misengni kaka chik dwaro.’

Ezekiel 5:14

Anami ubed oganda mojwang’ kendo mokwedi, mi ogendini mokiewo kodu kod ji duto makadho nonyieru, ka goyonu siboi.

Isaya 58:2

Kata obedo ni gin joricho kamano, to pod gidwara pilepile, kendo gihero ng’eyo yorena, mana ka oganda ma timo gik makare, kendo ma ok oweyo chik Nyasaye. Gikwaya mondo amigi chike makare, kendo giwacho ni gimor ka gisudo machiegni koda.

Mariko 10:21

Eka Yesu nong’iyo wang’e tir, ka mor kode, mowachone ni, “Gimoro achiel ema pod onego itim: dhiyo, ilok gigi duto pesa, mondo imi joma odhier, eka inibed gi mwandu e polo. To ka isetimo kamano, to bi iluwa.”