Mariko 10:2 - MUMA MALER 2015

² Eka jo-Farisai moko nobiro mondo oteme kapenje niya, “Bende chikwa oyie ni ng’ato mondo oriemb chiege?”

Motingʼo Loko Manyien

² Jo-Farisai moko nobiro moteme kapenje niya, “Bende chik oyie mondo ngʼato oketh keny gi chiege?”

Mariko 10:2 ပူးပေါင်းရင်းမြစ်များ

Malaki 2:16

Ruoth Nyasaye Manyaalo Gik Moko Duto ma Nyasach Israel owacho niya, “Amon gi weruok manie kind dhako gi chwore. Ok berna ka ng’ato timo gima rach kamano ni chiege. Emomiyo ritreuru mondo ng’ato ka ng’ato kuomu kik tim gima rach kamano ni chiege.”

Mathayo 15:12

Eka jopuonjrene nobiro ire, mopenje niya, “Bende ing’eyo ni jo-Farisai nende osin kodi, kane giwinjo gima iwacho?”

Mathayo 16:1

Jo-Farisai gi Jo-Sadukai nobiro ir Yesu mondo oteme. Omiyo ne giwachone mondo otimnigi hono moro moa e polo manyiso ni Nyasaye ni kode.

Mathayo 19:3

Jo-Farisai moko nobiro ire mondo oteme. Ne gipenje ni, “Bende Chikwa oyie mondo ng’ato oriemb chiege nikech wach moro amora koso?”

Mathayo 22:35

mi ng’at achiel kuomgi, ma japuonj Chik, nopenje, kateme, niya,

Mathayo 23:13

“Mano kaka unune malit, un jopuonj Chik gi jo-Farisai, ma wuondore ni ohero Nyasaye! Uchiego ni ji dhoranga Piny Ruodh Polo, to un uwegi ok udonjie, to eka joma dwaro donjoe be utamo. [

Mathayo 9:34

Jo-Farisai to nowacho niya, “Ruodh jochiende ema miye teko mogologo jochiende.”

Mariko 10:1

Yesu noa kuno, modhi e piny Judea nyaka loka aora Jordan. Ji mathoth nochako obiro ire, kendo ne opuonjogi kaka ne ojatimo.

Mariko 10:3

Yesu nodwokogi kapenjogi ni, “Ere kaka ne Musa ochikou?”

Mariko 8:11

Jo-Farisai moko nobiro ir Yesu, mochako mino kode wach. Ne gidwaro teme, omiyo ne giwachone mondo otimnigi hono moa e polo manyiso ni Nyasaye ni kode.

Mariko 8:15

Yesu nowachonigi niya, “Yawuru wang’u mondo ubed motang’ ni thop jo-Farisai ko thop Herode.”

Luka 11:39

Kuom mano, Ruoth Yesu nowachone ni, “Un jo-Farisai uluoko kang’e agwata kod kang’e tawo, to chunyu opong’ gi mecho kod richo mamoko.

Luka 16:14

Jo-Farisai, ma gin joma ohero pesa ahinya, nowinjo wechego duto, mi onyiere anyiera.

Luka 5:30

Jo-Farisai kod jopunjgi mag Chik nong’ur ni jopuonjre Yesu, kapenjo niya, “Ere gima omiyo uchiemo kendo umetho gi jasol osuru kod jorichogi?”

Luka 6:7

To noyudo jopuonj Chik moko kod jo-Farisai rango Yesu mondo gine ane konyalo chango ng’ato chieng’ Sabato, mondo giyud gima digidonjnego.

Luka 7:30

Jo-Farisai kod jopuonj Chik to nodagi batiso mar Johana. Kamano ne gimono Nyasaye timo gima nodwaro timonigi.

Johana 11:47

Omiyo jo-Farisai kod jodolo madongo noluongo buchgi maduong’, mi openjore ni, “Ng’atni timo timbe madongo mang’eny! Wan to watimo ang’o?

Johana 11:57

Ne giwacho kamano nikech noyudo jodolo madongo gi jo-Farisai osegolo chik ni ka ng’ato ong’eyo kama Yesu nitie, to nyaka ohul, mondo omake.

Johana 7:32

Jo-Farisai nowinjo ka ji kuodho wechego kuom Yesu, omiyo ne giriwo wach gi jodolo madongo, mi gioro askeche mondo omake.

Johana 7:48

Bende usenenoe jatendwa moro, kata ja-Farisai moro, moyie kuome?

Johana 8:6

Ne giwacho kamano nikech ne gidwaro wach moro ma digidonjne go. To Yesu nolung’ore piny, mondiko e lowo gi lith lwete.

1 Jo-Korintho 10:9

Bende kik watem Ruoth, kaka jomoko kuomgi noteme, mi thuonde onego!