Mariko 10:1 - MUMA MALER 2015

¹ Yesu noa kuno, modhi e piny Judea nyaka loka aora Jordan. Ji mathoth nochako obiro ire, kendo ne opuonjogi kaka ne ojatimo.

Motingʼo Loko Manyien

¹ Yesu noa kanyo modhi e gwengʼ mar Judea man loka aora Jordan. Oganda maduongʼ nochako obiro ire, kendo nopuonjogi kaka nojatimo kinde duto.

Mariko 10:1 ပူးပေါင်းရင်းမြစ်များ

Eklesiastes 12:9

To nikech Jayalo ne nigi rieko, omiyo ne omedo puonjo ji apuonja gik mong’eyo. Ne ochoko ngeche eka ochanogi maber.

Jeremia 32:33

Giselokona ng’egi, kendo kata obedo ni ne asesiko kapuonjogi, to gidagi winja, bende ok giyie mako puonjna.

Mathayo 26:55

Sa nogo Yesu nowacho ni oganda mane obirono niya, “Ere gima omiyo ubirona gi ligengni kod arunge, ka joma dwaro jamecho? Pile yande abet ka apuonjo e Hekalu, to ne ok umaka.

Mathayo 4:23

Yesu nowuotho e piny Galili duto, ka puonjo ji e utgi mag lemo. Nolando Wach Maber mar Loch Nyasaye, kendo nochango ji duto man gi tuoche mopogore opogore.

Mariko 1:21

Ne gitundo Kapernaum, kendo kane chieng’ Sabato ochopo, Yesu nodhi e od lemo, mopuonjo ji.

Mariko 10:2

Eka jo-Farisai moko nobiro mondo oteme kapenje niya, “Bende chikwa oyie ni ng’ato mondo oriemb chiege?”

Mariko 12:35

Kane oyudo Yesu puonjo e Hekalu, nopenjo ji ni, “Ere kaka jopuonj Chik wacho ni Mesia nobed nyakwar Daudi?

Mariko 14:49

Pile yande an kodu kapuonjo e Hekalu, to ne ok umaka. To gima kama otimore mondo wach ma ondiki e Muma ochop kare.”

Mariko 2:13

Yesu nochako odok e dho nam Galili, kendo ji mathoth nobiro ire, mi opuonjogi.

Mariko 4:2

Nopuonjogi weche mang’eny gi ngeche, kendo kane opuonjogi kamano, nowacho niya,

Mariko 6:2

Kane chieng’ Sabato ochopo, nochako puonjo e od lemo. Ji mang’eny nochokore kanyo, kendo kane giwinjo kaka opuonjo, ne giwuoro ahinya, mi gipenjore niya, “Ere kuma ng’ani oyudoe wechegi duto? Mano rieko manade momiyeno? Ere kaka otimo honnigi duto?

Mariko 6:34

Kane Yesu ochopo, mi owuok e yie, noneno oganda maduong’no, mi okechogi, nimar ne gichalo rombe ma onge jakwath. Kuom mano, nopuonjogi weche mang’eny.

Mariko 6:6

To nowuoro ahinya kane oneno kaka gionge gi yie!

Johana 10:40

Bang’ mano, Yesu nong’ado aora Jordan modhi loka kuma ne Johana obatisoe ji mokwongo, mi nodak kuno.

Johana 11:7

Eka nowacho ni jopuonjrene ni, “Wadoguru Judea.”

Johana 18:20

To Yesu nodwoke niya, “Pile asewuoyo ratiro e nyim piny duto. Asebedo ka apuonjo kuonde lemo, kendo e Hekalu, ma jo-Yahudi duto chokoree, bende pok awacho gimoro ling’ling’.