Mariko 1:41 - MUMA MALER 2015

⁴¹ Yesu nokeche, omiyo norieyo lwete, momule, kowachone niya, “Ee, ayie! Changi, ibed mangima.”

Motingʼo Loko Manyien

⁴¹ Yesu nokecho ngʼatno morieyo bade momule, kowacho niya, “Ayie, pwodhri!”

Mariko 1:41 ပူးပေါင်းရင်းမြစ်များ

Chakruok 1:3

Eka Nyasaye nowacho niya, “Ler mondo obedie.” Mi ler nobetie.

Zaburi 33:9

Ne owuoyo, mi piny obetie, kendo ne ogolo chik, mi gik moko duto othinyore.

Mathayo 9:36

Kane oneno ji kaka ng’eny, nokechogi, nikech ne gichandore, kendo gidiwo mana ka rombe ma onge jakwath.

Mariko 1:40

Ng’at moro ma jadhoho nobiro ir Yesu, mogoyo chonge piny, kahombe niya, “Ang’eyo ni inyalo changa, ka ihero timo kamano.”

Mariko 1:42

Gikanyono dhoho noweyo ng’atno, modoko mangima.

Mariko 4:39

Yesu noa malo, mokwero yamo, kendo owacho ni nam ni, “Ling’! Pie!” Gikanyono yamo noweyo kudho, mi nam okue.

Mariko 5:41

Ne omako lwet nyathi, mi owachone niya, “Talitha Kumi,” tiende ni, “Nyako, a malo!”

Mariko 6:34

Kane Yesu ochopo, mi owuok e yie, noneno oganda maduong’no, mi okechogi, nimar ne gichalo rombe ma onge jakwath. Kuom mano, nopuonjogi weche mang’eny.

Jo-Hibrania 1:3

En ema orieny kaka duong’ maler mar Nyasaye, kendo en e kit Nyasaye hie, kendo en ema omiyo gik moko duto osiko nikech wachne man gi teko. Kane en owuon oseloso yor pwodhruok kuom richo, nobet piny e bat korachwich mar Nyasaye manie polo.

Jo-Hibrania 2:17

Mano emomiyo nyaka ne obed machalo gi owetene e yore duto, mondo odog jadolo maduong’ mang’won kendo maradier, matiyo e nyim Nyasaye, katimo misango migologo richo mag jo-Nyasaye.

Jo-Hibrania 4:15

Wan gi Jadolo Maduong’ manyalo kecho nyawowa nikech noteme e yore duto ma wan bende itemowae, to ne ok otimo richo.