Mariko 1:34 - MUMA MALER 2015

³⁴ Yesu nochango ji mang’eny man gi tuoche mopogore opogore, kendo nogolo jochiende mathoth kuom ji. To ne ok oyie ni jochiende mondo owach gimoro, nikech gin ne ging’eyo ni en ng’a.

Motingʼo Loko Manyien

³⁴ to Yesu nochango ji mathoth mane nigi kit tuoche mayoreyore. Bende noriembo jochiende oa kuom ji, to ne ok oyiene jochiendego mondo owuo nikech negingʼeyo ni en ngʼa.

Mariko 1:34 ပူးပေါင်းရင်းမြစ်များ

Mathayo 4:23

Yesu nowuotho e piny Galili duto, ka puonjo ji e utgi mag lemo. Nolando Wach Maber mar Loch Nyasaye, kendo nochango ji duto man gi tuoche mopogore opogore.

Mathayo 4:24

Humbe nolak e piny Siria duto, omiyo ji nokelone joma nigi tuoche mopogore opogore, gi joma rem ohingo, kaka joma nigi jochiende gi jondulme kod joathany, mi nochangogi duto.

Mariko 1:25

To Yesu nokwero jachiendno niya, “Ling’, kendo wuog ia kuom ng’atni!”

Mariko 3:12

To Yesu nokwerogi matek mondo kik gihul ni en ng’a.

Luka 4:41

Jochiende bende nowuok kuom ji mang’eny, kaywak ni, “In e Wuod Nyasaye!” To Yesu nokwerogi, motamogi ni kik gilosi, nikech gin ne ging’eyo ni en e Mesia.