Mariko 1:14 - MUMA MALER 2015

¹⁴ Kane osemak Johana moter e tuech, Yesu nodhi Galili, mi olando Wach Maber mar Nyasaye,

Motingʼo Loko Manyien

¹⁴ Kane osetwe Johana e od twech, Yesu nodhi Galili, koyalo Injili mar Nyasaye.

Mariko 1:14 ပူးပေါင်းရင်းမြစ်များ

Mathayo 11:2

Johana Jabatiso nowinjo gie jela gik mane Kristo timo, omiyo nooro jopuonjrene moko ire,

Mathayo 14:2

mi owacho niya, “Nyaka bed ni ng’atni en Johana Jabatiso! Osechier oa kuom joma otho. Mano ema omiyo en gi tekogi duto.”

Mathayo 4:12

Kane Yesu owinjo ni Johana osetue, nowuok modok Galili.

Mathayo 4:17

Chakre kindeno, Yesu nochako lando wach, ka nyiso ji niya, “Lokuru chunyu, nikech Loch Polo chiegni.”

Mathayo 4:23

Yesu nowuotho e piny Galili duto, ka puonjo ji e utgi mag lemo. Nolando Wach Maber mar Loch Nyasaye, kendo nochango ji duto man gi tuoche mopogore opogore.

Mathayo 9:35

Bang’ mano, Yesu nowuotho e mier madongo gi matindo duto, kapuonjo ji e utgi mag lemo. Nolando Wach Maber mar Loch Nyasaye, kendo nochango tuoche duto mopogore opogore.

Luka 3:20

Herode nomake, mokete e jela. Kamano Herode notimo gima rachie moloyo.

Luka 8:1

Bang’ kinde moko, Yesu nowuotho e mier madongo kod matindo duto, kalando Wach Maber mar Loch Nyasaye. Jopuonjrene apar gariyo bende ne jodhi kode,

Tich Joote 20:25

“To koro ang’eyo ni un duto mane awuotho e kindu kalando Wach Loch Nyasaye, ok unuchak une wang’a kendo.

Tich Joote 28:23

Kuom mano ne giwinjore gi Paulo ni onego giduog chieng’ machielo, kendo chieng’no ne gibiro mang’eny kama odakie. Ne owuoyonigi chakre okinyi nyaka odhiambo, konyisogi malong’o wach Loch Nyasaye. Bende notemo lokogi mondo giyie kuon Yesu, kogolo weche e Chik Musa, kendo e kitepe mag Jonabi.

Jo-Rumi 1:1

Ma en barua ma an Paulo, jatich Yesu Kristo, ema andikonu un jo-Rumi. Nyasaye noluonga mondo abed jaote, kendo nowala mondo aland Wachne Maber.

Jo-Efeso 2:17

Ne obiro molando Wach Maber mar kue ni un joma ok jo-Yahudi mane ni mabor gi Nyasaye, kendo ni jo-Yahudi mane ni machiegni kode.