Malaki 4:2 - MUMA MALER 2015

² To un joma oluoro nyinga tekona nopilre kuomu ka wang’chieng’ ma kelo ler, mi noresu, kendo ler mare nobed gima changou. Unubed joma ni thuolo kendo mail ka nyiroye moyawnigi abila.

Motingʼo Loko Manyien

² To un muluoro nyinga, tekona nopilre kuomu ka wangʼ chiengʼ makelo ler mi changu gi bwombene. Kendo unuwuog oko ka ulengʼoru gi ilo ka nyiroye moyawnegi dho abila.

Malaki 4:2 ပူးပေါင်းရင်းမြစ်များ

2 Samuel 23:4

To lochne chalo gi ler mar wang’chieng’, mopilore gokinyi ka boche polo onge, kendo mamiyo lum loth bang’ koth.’

Zaburi 103:3

En ema oweyona richona duto, kendo ochango tuochena pep.

Zaburi 147:3

bende oduogo chuny joma genogi oserumo, kendo othiedho adhondegi.

Zaburi 61:5

A Nyasaye, isewinjo singruokna, kendo isemiya mwandu ma joma oluori yudo.

Zaburi 67:1

A Nyasaye, kechwa mondo iguedhwa, kendo rangwa gi ng’wono.

Zaburi 84:11

Ruoth Nyasaye e ohinga ma wageng’orego kendo e okumbawa. En ema oguedhowa gi ng’wono kod duong’. Ok otuon joma timo gik makare gimoro amora maber.

Zaburi 85:9

Adier, oikore mar reso jogo ma miye luor, kendo duong’ne maler biro siko e pinywani.

Ngeche 4:18

Wang’yo ma joma kare luwo, chalo chieng’ mapilore gokinyi, kendo medore ameda nyaka nyango tegno.

Isaya 30:26

Chieng’no due nobed karieny maler ka wang’chieng’ kendo wang’ chieng’ nobed ka rieny maler nyadibiriyo moloyo kaka orieny pile. Nochal mana gi ler mar ndalo abiriyo moriw e odiechieng’ achiel! En chieng’ ma Ruoth Nyasaye nochomie tiende joge kod bedegi motur, kendo ochangie adhondegi.

Isaya 35:6

Rang’onde bende nochikre ka nyidiek, kendo momni nower gi mor, nimar pi nobubni e piny motwo, kendo aore nobed ka molie.

Isaya 49:6

“Tich dwoko jo-Israel ma nyikwa Jakobo mane oke en tich ma in jatichna ihingo. Kuom mano, abiro loki ler mar ogendini, mondo iter warruokna e tung’ piny gi tung’ piny.”

Isaya 50:10

Ere ng’ato kuomu moluoro Ruoth Nyasaye, kendo winjo dwond jatichne, bende ma wuotho kuonde motimo mudho, to ok ne ler kata matin? Ng’at ma kamano mondo ogen kuom Ruoth Nyasaye.

Isaya 53:5

to kara ne ochwowe mana nikech kethowa. Ee, ne osande nikech richowa. Sand mane oyudo ema kelonwa kue, kendo wachango nikech chwat mane ochwadego.

Isaya 9:2

Ji ma wuotho e mudho none ler maduong’. Adier, ler norieny kuom jogo modak e piny motimo mudho mandiwa.

Jeremia 17:14

Jeremia nokwayo niya, “A Ruoth Nyasaye, changa mondo adok mangima. Resa mondo ayud kue. In ema apaki.

Jeremia 30:17

Kata obedo ni wasiku wacho niya, ‘Sayun osejwang’ kendo onge ng’ama dewe,’ to anami uchak ubed mangima, kendo anachang adhondeu.”

Jeremia 33:6

To kata kamano, abiro change, mi odok mangima. Bende abiro chango joma odakie mi amigi mor kod kue.

Ezekiel 47:12

E bath aora koni gi koni kit yien duto ma olembegi ichamo nodongie. Obokegi ok notwo, bende ok giniwe mak ginyago olemo, to ginibed ka ginyak due ka due, nikech pi ma giyudo mol ka wuok e Hekalu. Olemb yien-go ema ji nocham, to obokegi nothiedhruokgo.”

Hosea 6:1

Jo-Israel wacho niya, “Wadoguru ir Ruoth Nyasaye. Osekidhowa, to kata kamano obiro changowa. Osehinyowa, to donge obiro keto yath e adhondewa?

Hosea 6:3

Weuru wabolre kendo watem bedo joma ong’eyo Ruoth Nyasaye, nimar obiro biro irwa adier, mana ka piny ma jaru pile. Bende obiro biro mondo oguedhwa, mana na koth ma miyo piny bedo mang’ich.”

Malaki 3:16

Kane joma oluoro Ruoth Nyasaye owinjo wechego, ne giwuoyo e kindgi giwegi, kendo Ruoth Nyasaye nowinjo wechegi. Nying joma oluoro Ruoth Nyasaye kendo mamiye duong’ ne ondik e kitabu moro e nyime.

Mathayo 11:5

Nyiseuru ni muofni neno, pudhe wuotho, jodhoho ichango, joma itgi odino winjo wach, joma otho ichiero, kendo joma odhier ilandonigi Wach Maber.

Mathayo 23:37

“Yaye, jo-Jerusalem! Yaye, jo-Jerusalem! Un munego jonabi, kendo ugoyo joma Nyasaye ooro iru gi kite. Mano kaka asedwaro mondo achoku kaka nyabuch gweno choko nyithinde e bwombe, to usetamoru.

Luka 1:50

Otimo ng’wono ni joma oluore, e tienge duto.

Luka 1:78

Mano notimre nikech Nyasachwa ng’won kendo muol. Enomi Jal mawuok e polo, machalo gi ler mar okinyi, limwa,

Luka 2:32

kendo ma biro kelo duong’ ni jogi Israel.”

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Johana 1:4

Gimoro amora mane ochue noyudo ngima kuome, kendo ngimano nokelo ni ji ler.

Johana 1:8

En ne ok en lerno, to nobiro mana ni mondo onyis ji wach lerno.

Johana 12:40

“Nyasaye oseimo wang’gi, kendo osemiyo wigi odoko mapek. Ka dine ok otimo kamano, to dikoro gineno gi wengegi, kendo dikoro giparo gi wigi, mi gilokre mondo ochanggi.”

Johana 8:12

Yesu nomedo puonjo ji, kowacho ni, “An e ler mar piny. Ng’at moluwa ok nowuoth e mudho, to nobed gi ler mar ngima.”

Johana 9:4

Nyaka wati tije mag Jal mane oora kapod piny odiechieng’, nikech otieno biro chopo ma ng’ato ok nyal tiyoe.

Tich Joote 13:26

“Un jowetena ma nyikwa Ibrahim, kaachiel gi ji mamoko moluoro Nyasaye, wan ema osekelnwa wach warruokni,

Tich Joote 13:47

nikech Ruoth Nyasaye osemiyowa chik niya, ‘Aseketi ibed ler mar Ogendini, mondo ibed yor warruok ni piny ngima.’ ”

Tich Joote 26:18

Iniyaw wang’gi, mi igolgi gia e mudho gidhi e ler, kendo gia e teko Satan, gidhi ir Nyasaye, mondo ka giyie kuoma to owenigi richogi, kendo gibed kaachiel gi joma Nyasaye oseyiero obed joge.’

2 Jo-Thesalonika 1:3

Owetewa, nyaka wago erokamano ni Nyasaye nikech un. Owinjore mondo watim kamano nimar yie ma un-go medore ahinya, kendo hera ma ng’ato ka ng’ato kuomu oherogo wadgi bende medore moloyo.

2 Petro 1:19

Omiyo wamedo yie matek moloyo kuom wach mane jonabi okoro. Ber mondo urit wachno chuth, nikech en kaka taya maliel kama otimo mudho, nyaka piny yawre, mi sulue mar okinyi wuog karieny e chunyu.

2 Petro 3:18

To donguru kuom ng’wono, kumedo ng’eyo Ruodhwa kendo Jawarwa Yesu Kristo. Duong’ obedne kawuono kendo nyaka chieng’. Amin.

1 Johana 2:8

To kata kamano, chik ma andikonu en chik manyien, kendo adiera mare ineno kuom Kristo, kendo ineno kuomu, nikech mudho rumo, kendo ler maradier koro osechako rieny.

Fweny 11:18

Mirima nomako ogendini, to koro chieng’ mirimbi iwuon osechopo. Kinde osechopo ma iyaloe joma otho, kendo ichiwoe pok ni jotichni ma jonabi, kod jogi, kaachiel gi ji duto madongo gi matindo moluoro nyingi. En kinde mitiekoe jogo maketho piny.”

Fweny 2:28

kendo notogi matindotindo ka mbalatago. To bende anamiye sulue mar okinyi.

Fweny 22:16

“An Yesu aseoro malaikana mondo ohulnu wechegi ukonygo kanyakla mag jo-Kristo. An Nyakwar Daudi, kendo an sulue mar okinyi.”

Fweny 22:2

Ne omol e dier yor dalano, to e bath aora koni gi koni, ne nitie yath mar ngima manyago olembe kido apar gariyo. To olembego chiek due ka due, kendo pot yadhno ema ithiedhogo ogendini.

Ruth 2:12

Ruoth Nyasaye mondo ochuli kuom tichni, kendo iyud pok makare moa kuom Ruoth Nyasaye ma Nyasach Israel, ma nibiro e bwo tipone mondo iyud kar konyruok.”