Malaki 3:6 - MUMA MALER 2015

⁶ Ruoth Nyasaye omedo wacho niya, “An Ruoth Nyasaye, kendo ok alokra. Mano emomiyo un nyikwa Jakobo pok urumo chuth.

Motingʼo Loko Manyien

⁶ Jehova Nyasaye Maratego wacho niya, “An Jehova Nyasaye ok alokra ngangʼ. Omiyo un, yaye nyikwa Jakobo, ok osetieku.

Malaki 3:6 ပူးပေါင်းရင်းမြစ်များ

Chakruok 15:18

Chieng’no Ruoth Nyasaye nosingore ni Abram kowacho ne niya, “Pinyni amiyo nyikwayi, chakre aora man e tong’ Misri nyaka aora maduong’ mar Yufrate,

Chakruok 15:7

mi nowachone niya, “An e Ruoth Nyasaye mane ogoli Ur e piny Kaldea mondo omiyi pinyni idagie.”

Chakruok 22:16

“Ruoth Nyasaye owacho kama:

Zaburi 102:26

Gin to ginirum; in to isiko mochwere. Giduto ginidok moti, kaka law doko moti, kendo inilokgi kaka iloko law mi girum chuth.

Zaburi 102:27

In to isiko mana in, kendo hiki ok norum

Zaburi 102:28

Kuom mano, nyithindwa nodag gi kue, kendo pile inirit nyikwagi.

Zaburi 103:17

To hera ma Ruoth Nyasaye oherogo joma oluore osiko nyaka chieng’, bende ng’wonone ochwere kuom tienge duto

Zaburi 78:38

En to nokechogi, mong’wononigi kuom richogi, mi ok otiekogi. Kinde mathoth ne omwonyo mirimbe, nikech ne ok odwar kecho kodgi.

Zaburi 78:57

mi giweye, kendo gindhoge mana kaka kweregi notimo. Ne gibaro mi giweyo yo, mana ka asere modir gi atung’ mobam, ma ok dimb gima onego ochiel.

Isaya 41:13

nikech an Ruoth Nyasaye ma Nyasachu ema amako badu ma korachwich, kendo awachonu niya, “Kik ubed maluor, nimar an ema akonyou.”

Isaya 44:6

Ruoth Nyasaye Manyalo Gik Moko Duto ma Ruodh jo-Israel kendo jawargi, wacho niya, “An e mokwongo, kendo an e mogik, bende onge Nyasaye moro mak mana an.

Isaya 46:4

Kata ka udoko moti, to pod an e En. Adier, kata ka wiu oti lwar, to pod nating’u ating’a. Kaka asechueyou, e kaka abiro ting’ou. Ee, pod abiro ting’ou kendo resou.

Jeremia 32:27

“An e Ruoth Nyasaye ma Nyasach ji duto, kendo onge gima nyalo tama timo.

Daniel 6:26

Asegolo chik e pinje duto manie bwo lochna ni ng’ato ka ng’ato nyaka luor Nyasach Daniel kendo miye duong’. En e Nyasaye Mangima, mosiko nyaka chieng’. Lochne gi tekone ok norum.

Hosea 11:9

Ok nakumu gi mirimba mager, bende ok nachak aketh Israel, nimar an Nyasaye, to ok dhano. An Ng’ama Ler, an kodu, kendo ok nabi iru gi mirima.

Habakuk 1:12

A Ruoth Nyasaye ma Nyasacha kendo ma Ng’ama Ler, donge in e Nyasaye ma nyaka nene kendo mochwere? A Ruoth Nyasaye ma Lwandawa, in ema iketo jo-Babulon mondo okumwa king’adonwa bura.

Kwan 23:19

Nyasaye ok en dhano ma doriambi. Ooyo, ok en dhano ma dolokre. Osewuoyo, to donge obiro timo kaka owacho? Adier, obiro chopo gima osehulo.

Jo-Rumi 5:10

Kane pod wan wasik Nyasaye, to ne omiyo wasedoko osiepne, kuom tho mar Wuode. To tinde kaka koro wasedoko osiepene, donge ibiro resowa moloyo nikech ngima mar Wuode?

Jo-Filipi 1:6

Ang’eyo malong’o ni Nyasaye mane ochako tich maber e chunyu biro dhi kode nyime nyaka chope chieng’ ma Yesu Kristo obiroe.

Jo-Hibrania 13:8

Yesu Kristo ok lokre, to en achiel, nyoro, tinende, kendo nyaka chieng’.

Jo-Hibrania 6:18

Kuom mano, Nyasaye nokonyore gi gik moko ariyo ma ok nyal lokore, kendo ma ok onyal wachoe miriambo, tiende ni singruok gi kuong’ruok. To wan, joma osetony, koro wayudo jip motegno ka wamakogo geno manie nyimwa.

Jakobo 1:17

Mich mabeyo duto, kod chiwo malong’o duto, a e polo malo. Gia kuom Nyasaye Wuoro mane ochueyo ler mag polo. En ok olokre, bende ok owichre owewa e mudho.

Fweny 1:8

Ruoth Nyasaye wacho niya, “An e Chakruok kendo e Giko. An e Ruoth Nyasaye Manyalo Gik Moko Duto, Jal mantie, kendo mane nitie, kendo mapod biro betie.”

Fweny 22:13

An Alfa gi Omega, tiende ni Jal Mokwongo kendo Mogik, kendo Chakruok gi Giko.”

1 Samuel 15:29

Bende Nyasaye ma en Duong’ Maler mar Israel ok riambi kata lokre, nimar ok en dhano ma dolokre.”