Malaki 3:5 - MUMA MALER 2015

⁵ Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

Motingʼo Loko Manyien

⁵ Jehova Nyasaye Maratego wacho niya, “Omiyo abiro sudo machiegni kodu mondo angʼadnu bura, anabi mapiyo mondo abed janeno ka kwedo ajuoke, jochode kod jogo makwongʼore kariambo, joma mayo jotijegi e yor chudo, jogo matimo marach ne mon ma chwogi otho kod nyithind kiye, kod jogo matamo jodak e adiera margi, nikech ok giluora.”

Malaki 3:5 ပူးပေါင်းရင်းမြစ်များ

Chakruok 20:11

Ibrahim nodwoke niya, “Naparo ni onge joma oluoro Nyasaye e pinyni, omiyo nagalo ni ginyalo nega mondo gikaw chiega.

Chakruok 42:18

Chieng’ mar adek Josef nowacho ni owetene niya, “An ng’at moluoro Nyasaye, omiyo unyalo kwo kutimo kaka awacho.

Nehemia 5:15

Jotelo ma nokwongona noketo ni ji ting’ mapek, ka gikawo kuomgi chiemo kod divai ma nengogi ne romo nus kilo mar fedha odiechieng’ kodiechieng’. To bende jotichgi ne thago ji, to an ne ok atimo kamano, nikech naluoro Nyasaye.

Ayub 31:12

nimar ochalo mach marach manyalo tieko gik moko duto ma an-go.

Ayub 7:2

kata ka misumba ma gombo yueyo e tipo mang’ich, kendo ka jatich madwaro misache.

Zaburi 36:1

Richo wuoyo gi jaricho e chunye kuma tut. Jaricho ok oluoro Nyasaye kata matin.

Zaburi 81:8

Un joga, winjuru siem masiemougo. Mano kaka agombo ni mondo uchikna itu un jo-Israel!

Zaburi 96:13

nikech obiro mondo orit piny. Adier, obiro rito ji duto mae piny gi bura makare kod adiera.

Zaburi 98:9

nimar obiro mondo orit piny. Adier, obiro rito ogendini duto mae piny gi bura makare kod adiera.

Wuok 1:17

To jocholo noluoro Nyasaye, omiyo ne gichayo chik ruoth, mi ne ok ginego nyithindo machwo.

Wuok 18:21

To nyaka iyier ji mariek kendo moluoro Nyasaye kuom ji duto. Nyaka gibed joadiera, kendo ma ok nyal chamo asoya. Gin ema mondo iketgi jotend ji. Jomoko kuomgi onego rit ji alufu achiel achiel, to moko ji mia mia, kendo moko ji piero abich abich, to moko ji apar apar.

Wuok 20:7

“Kik uluong nying Ruoth Nyasaye ma Nyasachu kayiem nono, nimar anakum ng’ato ka ng’ato mokonyore gi nyinga e yo ma ok ni kare.

Wuok 22:20

“Ng’ato motimo liswa ni nyasaye moro, ma ok Ruoth Nyasaye, nyaka negi.

Ngeche 16:6

Bed gi luor kod adiera, eka Ruoth Nyasaye noweni richoni.

Ngeche 8:13

Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Isaya 57:3

To un nyithind ajuoga, biuru ka! Ee, un koth ng’at ma jaterre kod dhako ma jamganga, suduru machiegni!

Jeremia 23:10

Joma oseweyo Ruoth Nyasaye opong’o piny. Timbegi richo, kendo gikonyore gi tekogi e yo marach. Piny ywak kendo lege otwo nikech osekuong’gi.

Jeremia 27:10

to giwuondou, kendo gibiro miyo teru mabor gi pinyu. Anariembu oko, mi urum pep.

Jeremia 27:9

Kik uchik itu kuom jonabi kata kuom ng’ato ang’ata mawacho ni nyalo koro gik ma biro timore e yor lek kata e yor luongo chuny joma osetho, kata e yor mbofwa. Jogo duto koronu wach ni ok unubed e bwo loch ruodh Babulon,

Jeremia 29:23

Mano e gima biro timorenigi nikech ne gilokore joma ofuwo, ka giterore, kendo giwacho miriambo e nyinga, to ne ok amiyogi wach mondo gihul. Ang’eyo gima gisetimo, kendo asebedo janeno kuom timbegi. An Ruoth Nyasaye ema awacho kamano.’ ”

Jeremia 42:5

Eka ne giwachone niya, “Ruoth Nyasaye ma Nyasachwa mondo obed janeno makare kendo maradiera ka ok warito chik duto ma omiyi mondo watigo. Wakuong’ore ni wabiro timo gimoro amora ma Ruoth Nyasaye ma Nyasachi owachoni mondo inyiswa,

Jeremia 5:2

Kata ka ukuong’oru gi nying Ruoth Nyasaye, to ukuong’oru mana gi miriambo.

Jeremia 5:29

Donge abiro kumogi kuom mago duto? Ee, abiro chulo kuor ni ogandani. An Ruoth Nyasaye ema awacho kamano!”

Tim jo-Lawi 19:13

Kik idhir wadu, kata kik imaye gire. Bende nyaka ichul jatich mana e odiechieng’ motiyonieno.

Tim jo-Lawi 20:10

Ka ng’at oterore gi chi wadgi, to ng’atno kaachiel gi dhakono nyaka negi.

Tim jo-Lawi 20:27

“Ng’ato ang’ata kuomu ma dichwo kata ma dhako ma janyakalondo kata ma ajuoga moro amora nyaka go gi kite mi otho, kendo rembe nodong e wiye owuon.”

Tim jo-Lawi 20:6

“Ka ng’ato oweya, modwanyore gi jonyakalondo kod ajuoke ma moko kaka dhako weyo chwore kendo dwanyore gi chwo mamoko, to nabed jasik ng’atno, kendo nang’ad kare oko kuom ogandagi.

Mika 1:2

Winjuru un ogendini duto! Chikuru itu, un ji duto modak e piny! Ruoth Nyasaye nowuog e Hekalu maler, mondo onyis gik musetimo.

Habakuk 1:12

A Ruoth Nyasaye ma Nyasacha kendo ma Ng’ama Ler, donge in e Nyasaye ma nyaka nene kendo mochwere? A Ruoth Nyasaye ma Lwandawa, in ema iketo jo-Babulon mondo okumwa king’adonwa bura.

Zekaria 11:12

Ne awachonigi niya, “Ka uyie to miyauru pokna. To ka ok kamano, to bedgouru.” Kuom mano ne gichula pokna moromo shekel piero adek mag fedha.

Malaki 1:6

Ruoth Nyasaye Manyalo Gik Moko Duto owacho ni jodolo niya, “Wuowi nyaka mi wuon luor, kendo jatich bende nyaka luor ng’at ma otiyone. To an dak umiya duong’, to an wuonu? Koso dak umiya luor, to an ema utiyona? Usejara, to eka upenja ni, ‘Ere kaka wasejari?’

Malaki 2:14

To eka pod ng’ato ka ng’ato kuomu penjo gimomiyo otimo kamano. Ruoth Nyasaye dwoko ni mano timore nikech uketho singruok mane utimo gi mon mane ukendo ka pod un yawuowi. Ne gin mondeu, to useketho singruok mane utimonigi, kata obedo ni ne usingoru e nyim Nyasaye ni ok unuwegi.

Malaki 2:17

Wecheu osemiyo Ruoth Nyasaye ool. To kupenjo ni ere kaka usemiyo ool, to odwokou niya, “Umiyo aol kuwacho ni Ruoth Nyasaye kwano joma richo ka joma beyo, kendo oherogi. Bende usemiyo aol kupenjo ni, ‘Ere Nyasachwa ma ng’ado bura kare?’ ”

Luka 23:40

To ng’at machielo nokwero jalo ni, “Ok iluoro kata mana Nyasaye? Donge ineno ka wanie kum achiel kode?

Jo-Rumi 3:8

To mano chalo mana gi wacho ni, “Watimuru richo mondo ber obedie.” Chutho, jomoko osehangonwa kawacho ni mano e gima wapuonjo! Nyasaye nokum joma kamago kaka owinjore!

Rapar mar Chik 15:13

To kik iweye odhi gi lwete nono,

Rapar mar Chik 18:10

Kik uyie ni ng’ato kuomu wang’ wuode kata nyare ka gir misango. Bende kik bedie jakor kata jambofwa kata jadil kata jandagla

Rapar mar Chik 24:17

“Kik ung’ad buch amwor ni jodak kata ni nyathi kich, bende kik ukaw law dhako ma chwore otho ka gir singo.

Rapar mar Chik 27:19

“ ‘Okuong’ ng’at moketho buch japiny moro modak kodu, kata buch nyathi ma kich, kata buch chi liel.

Rapar mar Chik 5:11

“ ‘Kik uluong nying Ruoth Nyasaye ma Nyasachu kayiem nono, nimar anakum ng’ato ka ng’ato mokonyore gi nyinga e yo ma ok kare.

1 Jo-Thesalonika 4:6

Kik ng’ato tim ni wadgi marach, kata wuond wadgi e wachni, nikech Ruoth nochul kuor kuom wechegi duto, mana kaka ne wawachonu chon ka wasiemou matek.

Jo-Hibrania 13:4

Ji duto mondo okwan kend ka gima duong’, kendo singruok ma joma okendore osingorego nyaka rit matek, nikech Nyasaye nokum joma terore, bed ni gin yawuowi gi nyiri, kata chwo gi mon.

Jakobo 5:12

To owetena, gima duong’ie moloyo gik moko duto en ni, ka usingoru e wach moro, to kik ukuong’oru, bed ni ukuong’oru gi polo, kata gi piny, kata gi gimoro amora. Kudwaro wacho ni, “Ee,” to wachuru mana ni, “Ee” kende. Kata kudwaro wacho ni, “Ooyo,” to wachuru mana ni, “Ooyo,” mondo kik buch Nyasaye lou.

Jakobo 5:4

To pok uchulo misach jotich mane okayonu cham. Winjieuru kaka giywak! Adier, ywak jokeyogo osechopo e it Ruoth Nyasaye Manyalo Gik Moko Duto.

Fweny 21:8

To ngoche, gi joma ok oyie, kod jomriambo duto, kargi nobed mana ataro maliel gi ligek mach, ma en tho mar ariyo!”

Fweny 22:15

To guogi gi jojuogi, gi joma terore, gi jonek, gi joma lamo nyiseche manono, kod ji duto ma ohero miriambo kendo matimo gik ma ok adiera, nobed oko.