Malaki 3:4 - MUMA MALER 2015

⁴ Eka Ruoth Nyasaye nobed mamor gi misengni ma jo-Juda gi jo-Jerusalem kelone, kaka ne omor kodgi chon.”

Motingʼo Loko Manyien

⁴ kendo Jehova Nyasaye norwak chiwo mag Juda kod Jerusalem mana kaka ndalo mokadho.

Malaki 3:4 ပူးပေါင်းရင်းမြစ်များ

1 Weche mag Ndalo 15:26

Ne gitimo misango gi ruedhi abiriyo kod imbe abiriyo, nimar Nyasaye ne konyo jo-Lawi ma noting’o Sandug Muma mar Ruoth Nyasaye.

1 Weche mag Ndalo 21:26

Eka nogero ni Ruoth Nyasaye kendo-mar-misango kanyono, motimoe misengni miwang’o pep gi mag sawo, kolamo Ruoth Nyasaye. Mi Ruoth Nyasaye nodwoke gi mach moa e polo, molwar e kendo-mar-misango.

2 Weche mag Ndalo 1:6

Solomon noidho mochung’ e bath kendo-mar-misango mar mula mane nie nyim Hemb Romo, motimoe misengni miwang’o pep alufu achiel e nyim Ruoth Nyasaye.

Zaburi 51:17

A Nyasaye, misango midwaro en chuny mobolore, nikech ok nidagi chuny motur kendo mojok gi richo.

Zaburi 51:19

Eka inibed mamor gi misengni motimni kaka chik dwaro, kendo ruedhi nochiw ka misengni e kendoni mar misango.

Isaya 56:7

Awachonigi ni anakelgi e goda maler, mi ami gibed mamor e oda mar lemo, kendo nayie gi gik ma giwacho e kendona-mar-misango, kaachiel gi misengni ma gitimona, nikech noluong oda ni, Od Lemo mar ogendini duto.”

Zekaria 8:3

Koro an Ruoth Nyasaye awacho ni aseduogo Sayun kendo abiro dak Jerusalem. Jerusalem ibiro luongo ni, ‘Dala ma Adiera Nitie’, kendo god Ruoth Nyasaye Manyalo Gik Moko Duto noluong ni, ‘Got Maler’.