Malaki 3:18 - MUMA MALER 2015

¹⁸ Bang’ mano unune pogruok manie kind joma richo, kendo e kind joma tiyona gi joma ok tina.”

Motingʼo Loko Manyien

¹⁸ Kendo unuchak une pogruok mane kind joma kare kod joma timbegi richo, kendo e kind joma tiyone Nyasaye gi joma ok tine.”

Malaki 3:18 ပူးပေါင်းရင်းမြစ်များ

Chakruok 18:25

Adier, ok dineg jomaonge ketho kaachiel gi joma nigi ketho. Ok inyal timo kamano, nikech kapo ni itimo kamano, to jomaonge ketho diyud mana kum maromre gi joma nigi ketho. To mano ok nyalre, nikech Jang’ad Bura mar piny ngima nyaka ng’ad bura kare.”

Ayub 17:10

To ka da giduto gibi, mi gichung’ e nyima, to ok da ayudo kata achiel kuomgi ka riek.

Ayub 6:29

Paruru ane, mondo uwe ng’adona bura marach. Weuru thaga, nikech an kare.

Wuok 11:7

To jo-Israel biro bedo gi kue, ma kata mana guok ok nogue dhano kata chiayo.’ Kamano unung’e ni Ruoth Nyasaye oketo pogruok e kind jo-Misri gi jo-Israel.

Jeremia 12:15

To ka asepudhogi oko kamano, eka anakechgi, mi aduog oganda ka oganda e lope, kendo e pinye owuon.

Daniel 2:18

Ne owachonigi ni mondo gilam Nyasach Polo mondo okechgi, kendo onyisgi tiend midhierono, mondo kik neggi kaachiel gi jong’ad rieko mamoko e Babulon.

Joel 2:14

Dipo ka Ruoth Nyasaye ma Nyasachu biro loko parone, mi oguedhu gi cham mogundho. Eka unubed gi mogo kod divai, ma unyalo timonego misengni miolo piny.

Amos 5:15

Beduru mamon gi gik maricho, to heruru gik mabeyo, kendo gururu bura makare e ut bura, nikech dipo ka Ruoth Nyasaye Manyalo Gik Moko Duto otimo ng’wono ni joka Josef modong’.

Zekaria 1:6

To donge wechena gi chikena mane amiyo jotichna ma jonabi mondo osiemgo kwereu ne otimore, mi masira omakogi? Koso donge ne gilokore mi giweyo timbegi maricho, ka giwacho niya, ‘Ruoth Nyasaye Manyalo Gik Moko Duto osetimonwa kaka nochano. Adier, osetimonwa mana maromre gi timbewa.’ ”

Malaki 1:4

Ka nyikwa Esau ma jo-Edom owacho ni kata obedo ni miechgi osekethi kamano, to gibiro gerogi kendo, to Ruoth Nyasaye Manyalo Gik Moko Duto dwoko niya, “We mondo gigergi, to abiro kethogi kendo, mi ji noluong jogo ni oganda mar kethruok ma Ruoth Nyasaye okechogo nyaka chieng’.

Mathayo 25:46

Eka Yesu notieko, ka wacho niya, “Jogi noter e kum mochwere, to joma kare nodhi e ngima mosiko.”

Johana 12:26

Ka ng’ato tiyona, to nyaka oluwa, kendo kama antie ema jatichna bende nobedie. Ka ng’ato tiyona, to Wuora nomiye duong’.

Tich Joote 16:17

Ne ojaluwo bang’ Paulo kod bang’wa kokok niya, “Jogi gin jotich Nyasaye Maduong’ Moloyo! Gilandonu kaka onego uyud warruok.”

Tich Joote 27:23

Ang’eyo kamano nikech nyoro gotieno malaika mar Nyasaye ma an ng’ate, kendo ma atiyone, nyoro obiro ira,

Jo-Rumi 1:9

To Nyasaye ma atiyone gi chunya duto ka alando Wach Maber man kuom Wuode, ong’eyo kaka aparou e lemona kinde duto.

1 Jo-Thesalonika 1:9

nikech jogo duto wacho giwegi kaka ne urwakowa kane walimou, kendo kaka ne ulokoru uweyo nyiseche manono mondo uti ni Nyasaye maradier kendo mangima.

Joshua 24:15

Ka ok uikoru mar tiyone, to yieruru tinendeni nyasaye mubiro tiyone. Unyalo tiyone nyiseche mane kwereu lamo loka aora Yufrate, kata nyiseche mag jo-Amor, ma koro udak e pinygini. To an, kaachiel gi jooda, wabiro tiyo ni Ruoth Nyasaye.”