Malaki 3:15 - MUMA MALER 2015

¹⁵ Waneno ka joma josunga ema nigi mor. Joma timbegi richo dhi maber ahinya, to bende gitemo Nyasaye gi timbegi marichogo, to onge gima timogi.’ ”

Motingʼo Loko Manyien

¹⁵ To waneno ni joma timbegi richo ema igwedho. Chutho joma timbegi richo dhi maber kendo kata gikwedo Nyasaye to gitony.’ ”

Malaki 3:15 ပူးပေါင်းရင်းမြစ်များ

Ayub 1:22

Kuom mano, kata obedo Ayub osesandore malit kamano, to ne ok oketho, kata wacho ni Nyasaye rach, ne ok owacho.

Ayub 12:6

To jokuo gi joma ok dew Nyasaye odak gi kue, kata obedo ni tekregi giwegi ema giloko Nyasachgi.

Ayub 21:30

e kinde ma Nyasaye okecho kendo kumo ji, to joricho ema dong’ mak okum?

Ayub 22:23

Adier, nyaka iduog ir Nyasaye kibolori, kendo itiek timbe maricho manie dalani.

Zaburi 10:3

Jaricho pakore kuom gombone maricho. Odagi Ruoth Nyasaye kendo okwedo ka wuoro omake.

Zaburi 106:14

Wuoro ne omakogi e thim, mi gitemo Nyasaye ka gikwaye ring’o.

Zaburi 141:4

Rita mondo kata mana gombo timo richo kik agombi, kata kik akony joricho timo timbegi mamono. Bende kik iwe abed kodgi kaachiel e sewni maggi.

Zaburi 49:18

Kata obedo ni ngima mar pinyni ber ni ng’ato, kendo ji pake nikech odhi maber,

Zaburi 58:2

Ooyo, ok utim kamano, to uparo mana richo ma udwaro timo, kendo utimo timbe mahundu e piny.

Zaburi 73:12

Mano e kaka joricho chalo. Gin gi gik moko mang’eny, kendo pile mwandugi medore ameda.

Zaburi 73:3

nikech nyiego ne omaka gi josunga, ka aneno kaka joricho mew.

Zaburi 78:18

Ne gitemo Nyasaye marayiem, ka gikwaye chiemo mondo gineggo kech.

Zaburi 78:41

Adier, ne gitemo Nyasaye kinde mang’eny, nyaka ne gimiyo Ng’ama Ler mar Israel okecho.

Zaburi 78:56

To pod ne gipiem apiema gi Nyasaye Maduong’ Moloyo mi giteme. Ne gitamore rito chikene,

Zaburi 95:9

Ne gitema kanyo, kata obedo ni ne giseneno gik mane atimonigi.

Ngeche 12:12

Joricho dwaro mana timo timbe mamono. Joma kare to timo gik makelo ohala.

Eklesiastes 8:14

To mano nono, nikech kinono gik matimore e piny, to ibiro yudo ni sa moro joma kare yudo kum ma joricho ema onego oyudi, to joricho yudo pok ma joma kare ema onego yudi. Mano emomiyo awacho ni gik moko duto onge tich.

Isaya 2:22

Kik iket genoni kuom dhano, nimar onge gima dhano nyalo. En gima nono mana ka muya mawuok e ume!

Jeremia 7:10

To kusetimo gik ma kamago to eka ubiro e nyima e Hekalu ma nyinga nitieni, kendo uwacho niya, ‘Wasekwo.’ To uparo ni unyalo kwo adier, ka utimo timbe makuero kamano?

Daniel 4:30

mowacho niya, “Neye kaka Babulon duong’! Ne agere gi tekona awuon mondo obed dalana maduong’ kendo anyisigo tekona gi duong’na.”

Daniel 4:37

To koro, an Nebukadnezar apako Ruodh Polo kendo amiye duong’, nimar gimoro amora motimo ni kare. Pile ong’ado bura kare, kendo odwoko joma sungore piny.

Daniel 6:16

Mano omiyo ruoth nogolo chik, mi okaw Daniel owiti e bur sibuoche. To nowacho ni Daniel niya, “Onego Nyasachi ma itiyone gi adiera duto, resi e masirani.”

Malaki 2:17

Wecheu osemiyo Ruoth Nyasaye ool. To kupenjo ni ere kaka usemiyo ool, to odwokou niya, “Umiyo aol kuwacho ni Ruoth Nyasaye kwano joma richo ka joma beyo, kendo oherogi. Bende usemiyo aol kupenjo ni, ‘Ere Nyasachwa ma ng’ado bura kare?’ ”

Malaki 4:1

Ruoth Nyasaye Manyalo Gik Moko Duto owacho niya, “Winjuru, ndalo biro ma josunga gi joma richo duto nowang’ie ka tiang’. Chieng’no giniwang’ adier, kendo onge gima nodong’ kuomgi.

Tich Joote 12:21

Chieng’ moro moyiedhi, Herode ne orwako lepe mag duong’, kendo ne obet e kom duong’ne, mi ochako wuoyo ni ji.

Tich Joote 5:9

Eka Petro nopenje ni, “Mar ang’o ne uwinjoru gi chwori mondo utem wuondo Roho mar Ruoth? Winji! Joma oseyiko chwori nie dhoot ka, kendo in bende gibiro ting’i, mi giteri oko.”

1 Jo-Korintho 10:9

Bende kik watem Ruoth, kaka jomoko kuomgi noteme, mi thuonde onego!

Jo-Hibrania 3:9

Nyasaye wacho niya, ‘Kwereu notema kuno mondo ong’e chunya, kata obedo ni giseneno gik mane atimo kuom higni piero ang’wen.

1 Petro 5:5

Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.”