Malaki 3:13 - MUMA MALER 2015

¹³ Ruoth Nyasaye owacho kendo niya, “Usewacho weche mag wich teko kuoma. To eka pod upenja niya, ‘Ang’o marach mwasewacho kuomi?’

Motingʼo Loko Manyien

¹³ Jehova Nyasaye wacho niya, “Usewuoyo marach kuoma. “To upenjo ni, ‘En angʼo ma wasewacho kuomi?’

Malaki 3:13 ပူးပေါင်းရင်းမြစ်များ

Ayub 15:13

ka mirima omaki gi Nyasaye, kendo ikwede gi weche mathoth?

Ayub 40:8

In itemo nyiso ni bura ma aseng’ado ok ni kare? Koso idwaro nyiso ni an ema aseketho, mondo in ineri ka ng’ama ni kare?

Zaburi 10:11

Jaricho wacho e chunye niya, “Nyasaye ok dew. Bende osemiyo wengene, kendo ok obi nena.”

Wuok 5:2

To Farao nodwokogi niya, “Ruoth Nyasaye to en ng’a, ma dawinj wachne, mi awe jo-Israel dhi? Akia Ruoth Nyasaye, bende ok nawe jo-Israel odhi!”

Isaya 3:8

Jerusalem nokethre kendo Juda nopodhi nikech gisewuoyo marach kuom Ruoth Nyasaye, bende gisetimone timbe maricho, ka gipiem gi duong’ne mang’ongo.

Isaya 37:23

To koro in, en ng’ano ma isejaro kendo iyanyo? Koso en ng’a ma isekokne ka ijowo wang’i? Nyaka ing’e ni en Ng’ama Ler mar Israel!

Isaya 46:12

Winjauru, un joma chunygi tek, ma paro ni resruok pod bor.

Isaya 5:19

Uwacho niya, “Ruoth Nyasaye mondo oreti, otim tichne piyopiyo wane! Adier, gima Ng’ama Ler mar Israel ochano timo, mondo ochop piyopiyo waneye!”

Jeremia 44:18

To nyaka ne wawe timo misengni ni ruoth madhako mar polo, kendo wawe chiwone misengni miolo piny, wasebet modhier maonge gimoro, kendo lweny gi kech osenego jowa.”

Jeremia 8:12

Bende uparo ni wigi okuot nikech timbe makuero mane gitimogo koso? Ooyo, wigi ok okuot kata matin, bende gionge gi wichkuot. Kuom mano, gibiro podho kaka ji mamoko osepodho, kendo ka akumogi to ginirum. An Ruoth Nyasaye ema awacho kamano.

Ezekiel 18:25

“Un uwacho niya, ‘Gima Ruoth Nyasaye timo ok ni kare.’ To koro winjuru, un jo-Israel. Un ema utimo gik ma ok ni kare, to ok an!

Ezekiel 35:13

Bende asewinjo ka uwuoyo kuoma gi sunga, ka uyanya.

Hosea 7:16

Gisiko ka giweya, kendo gidok ni nyiseche maonge teko. Ok nyal gen-gi, nikech gichalo gi atung’ mobam. Ibiro nego jotendgi e lweny nikech gisungore, mi jo-Misri nonyiergi.”

Malaki 2:14

To eka pod ng’ato ka ng’ato kuomu penjo gimomiyo otimo kamano. Ruoth Nyasaye dwoko ni mano timore nikech uketho singruok mane utimo gi mon mane ukendo ka pod un yawuowi. Ne gin mondeu, to useketho singruok mane utimonigi, kata obedo ni ne usingoru e nyim Nyasaye ni ok unuwegi.

Malaki 2:17

Wecheu osemiyo Ruoth Nyasaye ool. To kupenjo ni ere kaka usemiyo ool, to odwokou niya, “Umiyo aol kuwacho ni Ruoth Nyasaye kwano joma richo ka joma beyo, kendo oherogi. Bende usemiyo aol kupenjo ni, ‘Ere Nyasachwa ma ng’ado bura kare?’ ”

Malaki 3:12

Bang’e ogendini duto noluongu ni johawi, nikech pinyu nobed kama ber dakie.”

Malaki 3:14

Bende usewacho ni, ‘Tiyo ni Nyasaye onge gi tiende. Ere tiend timo gima Ruoth Nyasaye Manyalo Gik Moko Duto owacho, kata ywagruok e nyime, kwanyise ni wayie kethowa?

Malaki 3:8

Dhano bende nyalo mayo Nyasaye gire koso?’ To adwokou niya, ‘Umaya adier!’ To ka upenja niya, ere kaka umaya? To adwokou niya, ‘Usemaya kuom dagi miya chiwo mar achiel kuom apar kod mag misengni kaka chik dwaro.’

Jo-Rumi 9:20

To an adwoke ni, in dhano adhanani, in ng’a, ma dipenj Nyasaye wach?

2 Jo-Thesalonika 2:4

Obiro sungore, kokwero gimoro amora miluongo ni nyasaye, kata gimoro amora milamo. Enohedhre kata mana bet e Hekalu mar Nyasaye, kohulo owuon ni en Nyasaye.