Malaki 2:8 - MUMA MALER 2015

⁸ To un jodolo usebaro, muweyo yo makare. Puonj maru osemiyo ji mang’eny ochwanyore. Bende un jo-Lawi, useketho singruok mane atimo kodu.

Motingʼo Loko Manyien

⁸ Kata kamano isebaro iweyo yo kendo puonjgi osemiyo ji mangʼeny ochwanyore; iseketho singruok mar jo-Lawi,” Jehova Nyasaye Maratego owacho.

Malaki 2:8 ပူးပေါင်းရင်းမြစ်များ

2 Ruodhi 16:11

Uria jadolo noloso kendo-mar-misango machielo machal gi mano chuth, kendo notieke kapok ruoth Ahaz oduogo koa Damaski.

Nehemia 13:29

A Nyasacha, par kaka gisechido tich dolo, kendo ketho kuong’ruok ma jodolo gi jo-Lawi timo.

Zaburi 119:102

Ok aseleng’ora, maweyo chikeni, nikech in iwuon ema isebedo jopuonjna.

Zaburi 18:21

nikechh naluwo yorene, kendo ok asepogora gi Nyasacha, ka adonjo e richo.

Ngeche 12:8

Ng’at mariek yudo pak. Ng’at maonge rieko to inyiero anyiera.

Isaya 30:11

Baruru uwe yo moriere tir, mondo kik wachak wawinj wach Ng’ama Ler mar Israel.’ ”

Isaya 59:13

Waseng’anyo, mi waketho e nyim Ruoth Nyasaye. Adier, wasedok chien, mi wajwang’o Nyasachwa. Bende waseparo weche mag miriambo e chunywa, kendo mago ema wawuondogo ji.

Isaya 9:16

Jotend jogi osewitogi. Omiyo joma onego telnigi ok ong’eyo gima onego gitim.

Jeremia 17:13

Ruoth Nyasaye ema jo-Israel ogeno kuome, omiyo ji duto moweye noyud wichkuot. Ginilal nono mana ka nying mondik e buru, nikech giseweyo Ruoth Nyasaye ma en soko mar pi maliw.

Jeremia 17:5

Ruoth Nyasaye wacho niya, “Okuong’ ng’at ma baro weya, to geno mana kuom dhano, ka parone bor koda.

Jeremia 18:15

To joga wigi osewil koda, kendo giwang’o ubani ni kido manono. Gisechwanyore mi giweyo wang’yo ma onego giluw, mi koro ok giluw yore machon, to giwuotho e yore mogondore ma ok opa.

Jeremia 2:8

Jodolo noweyo penjo kuma Ruoth Nyasaye nitie. Joma ne ong’eyo weche chik bende ne ok odewa, kendo jotelo nobaro moweya. Jonabi bende ne koro wach e nying Baal, kendo ne lamo nyiseche manono.

Ezekiel 22:26

Jodolo bende ketho chikna, kendo ok gimi gik mowalna duong’. Ok gipog gik ma owalna gi gik ma ok owalna, bende ok gipuonj ji pogruok manie kind gik maler kod gik ma ok ler, kendo ok girit Sabatona. Mano emomiyo jo-Israel ok miya duong’.

Ezekiel 44:10

“Jo-Lawi mane oringo oweya kaachiel gi jo-Israel mamoko, mi olamo nyiseche manono, nyaka kum kuom richogino.

Ezekiel 44:12

To kaka ne gitiyo ni jo-Israel e tij lemo kuonde milamoe nyiseche manono, mi gimiyo jo-Israel odonjo e richo, omiyo an Ruoth Nyasaye akuong’ora ni nyaka kumgi.

Ezekiel 44:7

Gisedwanyo Hekaluna, ka giyie ni jopinje mamoko ma ok ter nyangu kendo mochaya donjo e Hekalu e kinde ma itimona misango gi boche kod remo. Kamano joga oseketho singruok mane atimo kodgi, kuom gik mamono ma gisetimo.

Hosea 4:6

Un joga, osetieku, nikech ok uyie lochna. Jodolo mau osedagi yie kuoma, kendo gisetamore puonjna. Omiyo adagi ni un gi yawuotu ok ubed jodolona.”

Tim jo-Lawi 21:15

To nyaka okend mana nyako ngili moa e dhoodgi, mondo kik nyithinde bed mogak kuom kiko remb jo Lawi kata remb jomoko nono, nikech an e Ruoth Nyasaye mapwodho jadolo maduong’.

Zefania 3:4

Jonabi mage ne joyiem, kendo ne ok gin jonabi madiera, bende jodolo mage ne ok dew gik mowal ni Nyasaye, kendo ne giketho chik.

Malaki 1:6

Ruoth Nyasaye Manyalo Gik Moko Duto owacho ni jodolo niya, “Wuowi nyaka mi wuon luor, kendo jatich bende nyaka luor ng’at ma otiyone. To an dak umiya duong’, to an wuonu? Koso dak umiya luor, to an ema utiyona? Usejara, to eka upenja ni, ‘Ere kaka wasejari?’

Malaki 2:5

“Kane atimo kodgi singruokna, ne achikogi ngima kod dak maber, mamiyogi mago duto mondo gimiya luor. Kamano ne gimiyo nyinga duong’, kendo giluora.

Kwan 25:12

Dhi iwach ni Finehas ni asingorane ni obiro bedo jadolo nyaka chieng’.

Kwan 25:13

Asingorane, en kaachiel gi nyikwaye ni ginibed jodolo nyaka chieng’ nikech osebedo gi mirima ma nyiso ni ohero Nyasache, mi opwodho jo-Israel kuom richogi.”

Jo-Rumi 14:21

Ber mondo iwe chamo ring’o kata madho kong’o kata timo gimoro amora manyalo miyo owadu podhi.

Jo-Hibrania 3:12

Owetena, beduru motang’ mondo kik ng’ato kuomu bed gi chuny marach matamore yie, mamiyo oweyo Nyasaye mangima.

1 Samuel 2:17

Ketho mag yawuowigo ne dongo ahinya e nyim Ruoth Nyasaye, nikech ne gichayo gima ochiw ni Ruoth Nyasaye.

1 Samuel 2:24

Ooyo yawuota, wach masewinjo ka jo-Ruoth Nyasaye wacho kuomu ok en wach maber.

1 Samuel 2:30

Nasingora ni dhoodu ni ginitina nyaka chieng’. To koro awacho ni ok nobed kamano ngang’, nimar joma miya duong’ ema nami duong’, to jogo mochaya, ok nokwan ka gimoro.