Malaki 2:7 - MUMA MALER 2015

⁷ En tich jodolo mondo opuonj ji wach mar adiera mar Nyasaye, kendo ji onego odhi irgi mondo opuonjre chik Nyasaye, nikech gin jootena, An Ruoth Nyasaye Manyalo Gik Moko Duto.

Motingʼo Loko Manyien

⁷ “Lew jadolo nyaka puonj rieko kendo ji onego dhi puonjre Chike Nyasaye kuome nikech en jaote mar Jehova Nyasaye Maratego.

Malaki 2:7 ပူးပေါင်းရင်းမြစ်များ

2 Ruodhi 16:11

Uria jadolo noloso kendo-mar-misango machielo machal gi mano chuth, kendo notieke kapok ruoth Ahaz oduogo koa Damaski.

2 Ruodhi 16:16

Uria jadolo notimo gik mojo duto kaka ruoth Ahaz nochike.

2 Weche mag Ndalo 30:22

Hezekia nopako jo-Lawi duto, nimar ne gitiyo ni Ruoth Nyasaye ma Nyasach kweregi.

2 Weche mag Ndalo 31:4

Bende nochiko joma nodak Jerusalem mondo ochiw ni jodolo gi jo-Lawi pokgi, mondo gichiwre ni chopo chik Ruoth Nyasaye.

Ezra 7:10

Ezra noseketo chunye kuom somo chik Ruoth Nyasaye kendo rito, kopuonjo jo-Israel buchego.

Ezra 7:25

“To in Ezra, kuom rieko ma Nyasachi osemiyi, yier jong’ad bura mondo oyal jogi duto man e piny man loka Yufrate, mong’eyo chik Nyasachi. To jogo ma ok ong’eyo chikego, to mondo upuonji.

Ngeche 5:2

Eka ining’e kaka onego iritri, kendo wecheni nonyis ni in gi rieko.

Eklesiastes 5:5

Ber ka ok isingori moloyo singori, to ok itimo.

Isaya 42:19

Ere muofu maloyou, un jo-Israel jotichna? Kata ere ng’ama ite odino moloyou, un jootena ma aoro? Koso ere muofu maloyou un joma atimogo singruok mar kue, kata ma ite odino maloyou un jotich Ruoth Nyasaye?

Isaya 44:26

To weche ma jotichna okoro, amiyo timore, kendo achopo gik ma jootena ochano. Awuoyo kuom Jerusalem ni, ji nochak odag kuno kendo, mi achak alos kuonde mokethore duto kuomgi.

Jeremia 15:19

To Ruoth Nyasaye nodwoka niya, “Ka iduogo ira, to abiro rwaki, mi inichak ibed jatichna, ka iwacho weche makare, ma ok weche manono, to inichak ibed janabina. Ji biro biro iri, to ok inidhi irgi.

Jeremia 18:18

Bang’ mano ji nowacho niya “Wang’aduru rieko mondo wanyal Jeremia. Pod nobedie abeda jodolo manyalo telonwa, gi joma riek manyalo ng’adonwa rieko, kod jonabi manyalo nyisowa wach Nyasaye. Biuru wahangne wach, kendo wawe dewo gima owacho.”

Jeremia 2:8

Jodolo noweyo penjo kuma Ruoth Nyasaye nitie. Joma ne ong’eyo weche chik bende ne ok odewa, kendo jotelo nobaro moweya. Jonabi bende ne koro wach e nying Baal, kendo ne lamo nyiseche manono.

Ezekiel 22:26

Jodolo bende ketho chikna, kendo ok gimi gik mowalna duong’. Ok gipog gik ma owalna gi gik ma ok owalna, bende ok gipuonj ji pogruok manie kind gik maler kod gik ma ok ler, kendo ok girit Sabatona. Mano emomiyo jo-Israel ok miya duong’.

Ezekiel 7:26

Masiche mathoth nomaku, kendo weche maricho kende ema unuwinji. Unugomb jonabi mondo onyisu gik mabiro timore, to ok unuyudi. Jodolo bende ok nobed gi gima gipuonjo ji.

Daniel 11:33

Ji mariek nong’ad rieko ni ji mamoko mathoth. To kuom kinde matin jomoko kuomgi notho e lweny kendo nowang’ e mach. Moko bende noywag mwandugi, kendo noter e tuech.

Hosea 4:6

Un joga, osetieku, nikech ok uyie lochna. Jodolo mau osedagi yie kuoma, kendo gisetamore puonjna. Omiyo adagi ni un gi yawuotu ok ubed jodolona.”

Tim jo-Lawi 10:11

kendo kupuonjo jo-Israel chike mane Ruoth Nyasaye omiyogi gi dho Musa.”

Zefania 3:4

Jonabi mage ne joyiem, kendo ne ok gin jonabi madiera, bende jodolo mage ne ok dew gik mowal ni Nyasaye, kendo ne giketho chik.

Hagai 1:13

Kuom mano, Hagai jaote mane Ruoth Nyasaye ooro, nonyiso ji weche mane Nyasaye omiye, kowacho niya, “Ruoth Nyasaye owacho ni en kodu.”

Zekaria 7:3

Ne oorogi mondo gipenj jodolo manie Od Ruoth Nyasaye Manyalo Gik Moko Duto kod jonabi niya, “Wasebedo kwaywak kendo watweyo chiemo e due mar abich, kuom higni mang’enygi, to pod onego wamed timo kamano koso?”

Malaki 3:1

To Ruoth Nyasaye Manyalo Gik Moko Duto dwoko kama: “Abiro oro jaotena otel, mondo olosna yo. Bang’e Ruoth mudwaro nobi apoya e Hekalu mare, kendo jaote mudwaro nenono nobi, mi nohul weche mag singruokna.

Kwan 27:21

Enobed kodhi ir Eleazar jadolo ma nobed ka goyone ombulu miluongo ni Urim, mondo ong’ego gima Ruoth Nyasaye dwaro. Oganda jo-Israel, kaachiel gi Joshua, nowuog oko kendo noduog dala, mana kaka Eleazar ochikogi.”

Johana 13:20

Adier, awachonu ni ng’at morwako ng’at ma aoro, to orwako mana an, kendo ng’at morwaka, to orwako mana Jal mane oora.”

Johana 20:21

Yesu nowachonigi kendo niya, “Kue obed kodu! Kaka ne Wuora oora, e kaka an bende koro aorou.”

Tich Joote 16:17

Ne ojaluwo bang’ Paulo kod bang’wa kokok niya, “Jogi gin jotich Nyasaye Maduong’ Moloyo! Gilandonu kaka onego uyud warruok.”

2 Jo-Korintho 5:20

Omiyo wan joote Kristo, kendo Nyasaye owuon ema wuoyonu gi dhowa. Wasayou e nying Kristo ni mondo uwinjru gi Nyasaye.

Jo-Galatia 4:14

To kata obedo ni ne atuo kamano, to ne ok uchaya, kendo ne ok udaga, to ne urwaka mana ka gima urwako malaika, kata ka gima urwako Kristo Yesu.

Rapar mar Chik 21:5

Jodolo ma jo-Lawi bende nyaka bedie, nikech Ruoth Nyasaye ma Nyasachu oseyierogi mondo gitine, kendo giguedh ji e nyinge. Gin ema omigi tich ng’ado buche ma ji laroe gimoro, kod buche goruok duto.

Rapar mar Chik 24:8

“Kuom weche mag tuo dhoho, nyaka utim mana kaka jodolo ma jo-Lawi biro chikou, nimar namiyogi chikena duto ma nyaka uriti.

1 Jo-Thesalonika 4:8

Emomiyo ng’at modagi puonjni ok odagi winjo dhano, to odagi winjo mana Nyasaye, mamiyou Roho mare Maler.

1 Samuel 2:17

Ketho mag yawuowigo ne dongo ahinya e nyim Ruoth Nyasaye, nikech ne gichayo gima ochiw ni Ruoth Nyasaye.