Malaki 2:6 - MUMA MALER 2015

⁶ Ne gipuonjo ji mana weche makare, maonge kata wach achiel mar miganga. Ne gitimo gik makare ma adwaro, kendo ne gikonyo ji mang’eny mondo owe timbe maricho.

Motingʼo Loko Manyien

⁶ Puonj madier ema ne ni e dhoge kendo miriambo kata achiel ne ok oyud e dhoge. Nowuotho koda gi kwe kod ratiro, kendo noloko ji mangʼeny oa e richo.

Malaki 2:6 ပူးပေါင်းရင်းမြစ်များ

Chakruok 17:1

Kane Abram ja higni piero ochiko, Ruoth Nyasaye nofwenyorene, mowachone niya, “An Nyasaye Manyalo Gik Moko Duto. Bed ng’ama odimbore kendo maonge ketho e nyima ndalo duto,

Chakruok 6:9

Ma e sigand Nowa: Nowa ne en ng’at makare. En kende ema ne oonge gi ketho e ndalogo, kendo nowuotho gi Nyasaye.

Zaburi 119:142

Timni makare nosiki nyaka chieng’, Kendo chikni en adiera pile.

Zaburi 119:151

In to, ichiegni koda, A Ruoth Nyasaye, kendo singruokni duto gin adier.

Zaburi 37:30

Ng’at makare wuoyo gi rieko, kendo oloso mana kuom gik ma adier.

Zaburi 37:37

To koro, kinono ng’at maber kata ng’ama kare, to ibiro nwang’o ni ng’at man gi kue nigi nyikwaye.

Ngeche 5:2

Eka ining’e kaka onego iritri, kendo wecheni nonyis ni in gi rieko.

Jeremia 23:22

Ka dine ging’e parona mopondo, to dine gilando wachna ni joga mondo owe yoregi gi timbegi maricho.

Daniel 12:3

To joma riek norieny ka ler mar polo, kendo jogo mane opuonjo ji mang’eny mondo otim gik makare norieny ka sulue nyaka chieng’.

Hosea 4:6

Un joga, osetieku, nikech ok uyie lochna. Jodolo mau osedagi yie kuoma, kendo gisetamore puonjna. Omiyo adagi ni un gi yawuotu ok ubed jodolona.”

Mathayo 22:16

Eka ne gioro jopuonjre maggi kod jo-Herode ire, mi jogo nodhi openje niya, “Japuonj, wang’eyo ni in jaadiera, kendo ipuonjo yor Nyasaye gi adiera, ma ok iluoro wang’ ng’ato, bed ni en ng’ama nadi.

Mariko 12:14

Kane jogo odhi ire, ne giwachone niya, “Japuonj, wang’eyo ni in jaadiera, kendo ok iluoro wang’ ng’ato, bed ni en ng’ama nadi, to ipuonjo yor Nyasaye gi adiera. To koro nyiswa ane ka Chikwa oyie mondo wagol osuru ni Kaisar. Onego wagol koso ok onego wagol?”

Luka 1:6

Giduto ne gin joma kare e nyim Nyasaye, kendo ne girito chike duto mag Ruoth Nyasaye gi chunygi duto.

Luka 20:21

Jombetrego nowacho ni Yesu niya, “Japuonj, wang’eyo ni gima iwacho kendo ipuonjo en adier. Bende wang’eyo ni ok iluoro wang’ ng’ato, kata dabed ni en ng’ama nadi, to ipuonjo yor Nyasaye gi adiera.

Tich Joote 26:18

Iniyaw wang’gi, mi igolgi gia e mudho gidhi e ler, kendo gia e teko Satan, gidhi ir Nyasaye, mondo ka giyie kuoma to owenigi richogi, kendo gibed kaachiel gi joma Nyasaye oseyiero obed joge.’

Rapar mar Chik 33:10

Gipuonjo joka Jakobo wecheni. Ee, gipuonjo jo-Israel chikeni. Giwang’oni misengni, madum tik mamit, kendo gitimoni misengni miwang’o pep e kendoni mar misango.

Rapar mar Chik 33:8

Jo-Lawi to nowuoyo kuomgi niya, “A Ruoth Nyasaye, nimiyo nyikwa Lawi ombulu miluongo ni Urim gi Thumim mondo ging’ego dwaroni, nikech gin joma tiyoni gi adiera. Ne itemogi Masa, kendo e sokni mag Meriba mi inwang’o ni gin joma inyalo geno.

Rapar mar Chik 33:9

Hera mane giherigo oloyo hera mane giherogo wuonegi gi minegi kod owetegi, kata nyithindgi, nikech ne giluwo mana chikeni, mi girito singruok mari maber.

Fweny 14:5

Miriambo ne ok owuok e dhogi, kendo gionge gi ketho moro kata achiel.

1 Samuel 2:12

To yawuot Eli ne joma acheje, ma ok dew Ruoth Nyasaye.