Malaki 1:8 - MUMA MALER 2015

⁸ Uparo ni en gima kare ka ukelo chiayo ma muofu kata mong’ol kata matuo mondo utimnago misango? To ka da bed ni uchiwo chiayo ma kamano ni ruodhu, bende da obedo mamor kodu, koso da orwakou?

Motingʼo Loko Manyien

⁸ Ka ukelona chiayo ma muofni kaka misango, donge mano rach? Ka uchiwo misango mar chiayo mongʼol kata matuo, donge mano rach? Temaneuru uchiwgi ne ruodhu! Bende dobed mamor kodu? Kata bende doyie kodu?” Jehova Nyasaye Maratego owacho.

Malaki 1:8 ပူးပေါင်းရင်းမြစ်များ

Ayub 42:8

Omiyo koro kaw ruedhi abiriyo gi imbe abiriyo, iter ni Ayub mondo utim go misango, upwodhrugo. Ayub biro lemonu, mi nawinj lemone, kendo ok nakuod wiu moromo gi fupu.”

Zaburi 20:3

Onego oyie gi chiwo magi duto, kendo obed mamor gi misengni duto mitimo.

Jeremia 14:10

Ruoth Nyasaye wuoyo kuom jogi niya, “Gihero ringo weya kamano, kendo gibayo kamoro amora ma gihero. Kuom mano, ok amor kodgi, to aparo richo ma gisetimo, kendo abiro kumogi nikech richogigo.”

Hosea 8:13

Gihero timo misengni, kendo gihero chamo ring misengnigo. To an Ruoth Nyasaye ok amor kodgi, kendo abiro paro richogi mi akumgi, ka adwokogi e piny Misri.

Hagai 1:1

Chieng’ mokwongo mar due mar auchiel e higa mar ariyo mar loch Darius, Ruoth Nyasaye nokelo ni janabi Hagai wach mondo onyis Zerubabel wuod Shealtiel, ma jatend piny Juda, gi Joshua wuod Jehozadak, jadolo maduong’ niya,

Malaki 1:10

Ruoth Nyasaye Manyalo Gik Moko Duto owacho niya, “Da obedo maber ka ng’at achiel kuomu oloro dhorangeye mag laru mar Hekalu, mondo kik umok mach e kendona mar misango kayiem nono. Ok amor kodu, kendo ok nayie misengni muchiwona.

Malaki 1:7

Usejara kuom chiwo chiemo ma chik ok oyiego e kendona mar misango, to eka upenja ni ere kaka ok usemiya luor! To usejara kuchayo kendona mar misango.

Rapar mar Chik 15:21

To ka chiayo moro nigi songa, kata ka osuto, kata ka en muofu kata ka en gi mbala moro marach manade, to kik timgo misango ni Ruoth Nyasaye ma Nyasachu.