Malaki 1:7 - MUMA MALER 2015

⁷ Usejara kuom chiwo chiemo ma chik ok oyiego e kendona mar misango, to eka upenja ni ere kaka ok usemiya luor! To usejara kuchayo kendona mar misango.

Motingʼo Loko Manyien

⁷ “Uketo chiemo mogak ewi kendona mar misango. “To pod upenjo ni, ‘Ere kaka wasenjawi?’ “Kuom wacho ni mesa mar Jehova Nyasaye en gima nono.

Malaki 1:7 ပူးပေါင်းရင်းမြစ်များ

Ezekiel 41:22

E nyim dhoot midonjogo Kama Ler Moloyo ne nitie gimoro molos gi bao machalo kendo-mar-misango. Borne modhi malo ne mita achiel gi nus, to lachne mita achiel. Sirni mane nie kona mage, kaachiel gi siandane kod bethene, duto ne mag bao. Ng’atno nonyisa niya, “Mano e mesa mochung’ e nyim Ruoth Nyasaye.”

Ezekiel 44:16

Gin e joma nodonj e Hekaluna, mi ti e kendona-mar-misango, kendo los kaka ilemo e Hekalu.

Tim jo-Lawi 2:11

Misengni duto mag cham muchiwo ni Ruoth Nyasaye nyaka bed ma ok oketie thowi. Bende kutimo ni Ruoth Nyasaye misango miwang’o, to kik thowi kata mor kich bedie.

Tim jo-Lawi 21:6

Nyaka gibed joma owal ni Nyasachgi, kendo kik gicha nying Nyasachgi, nikech gin ema gitimo misengni miwang’o ni Ruoth Nyasaye. Misengnigo gin chiemb Nyasachgi, emomiyo nyaka gibed maler.

Tim jo-Lawi 21:8

Unuwale ni Ruoth Nyasaye, nikech en e jachiw chiemo ni Nyasachu. Nyaka ukwane ka ng’ama ler nikech an Ruoth Nyasaye ma apuodho jodolo, aler.

Tim jo-Lawi 3:11

Jadolo nowang’ mago duto e kendo-mar-misango ka chiemo michiwo ni Ruoth Nyasaye.

Malaki 1:12

To uchaya, kuparo ni kendona mar misango en kama odwanyore, ma unyalo chiwoe chiemo moro amora.

Malaki 1:13

Uwacho niya, ‘Mano kaka waol gi gik makamagi!’ Kendo utwenyona umu. To bende uchiwona jamni mokwal kata mong’ol kata matuo mondo otimnago misango. Uparo ni anyalo yie gi chiwo ma kamago?

Malaki 1:8

Uparo ni en gima kare ka ukelo chiayo ma muofu kata mong’ol kata matuo mondo utimnago misango? To ka da bed ni uchiwo chiayo ma kamano ni ruodhu, bende da obedo mamor kodu, koso da orwakou?

1 Jo-Korintho 10:21

Ok unyal madho kikombe mar Ruoth, kendo uchak umadh kikombe mar jochiende.

Rapar mar Chik 15:21

To ka chiayo moro nigi songa, kata ka osuto, kata ka en muofu kata ka en gi mbala moro marach manade, to kik timgo misango ni Ruoth Nyasaye ma Nyasachu.