Malaki 1:6 - MUMA MALER 2015

⁶ Ruoth Nyasaye Manyalo Gik Moko Duto owacho ni jodolo niya, “Wuowi nyaka mi wuon luor, kendo jatich bende nyaka luor ng’at ma otiyone. To an dak umiya duong’, to an wuonu? Koso dak umiya luor, to an ema utiyona? Usejara, to eka upenja ni, ‘Ere kaka wasejari?’

Motingʼo Loko Manyien

⁶ Jehova Nyasaye Maratego wacho niya, “Wuowi miyo wuon mare luor kendo jatich bende timo kamano ne ruodhe. Omiyo ka an wuoro, to ere luor mowinjore koda? To ka an Ruoth, to ere luor mowinjore koda?” “Yaye, jodolo, un ema ujaro nyinga. “To upenjo ni, ‘Ere kaka wajaro nyingi?’

Malaki 1:6 ပူးပေါင်းရင်းမြစ်များ

Zaburi 123:2

Kaka jatich rango ruodhe, kendo kaka jatich ot manyako rango wuon ot motiyone, e kaka wan bende wasiko kwarangi, nyaka chop ikechwa, A Ruoth Nyasachwa.

Wuok 20:12

“Luor wuoru gi meru, eka mondo idag aming’a e piny ma Ruoth Nyasaye ma Nyasachu biro miyou.

Ngeche 17:6

Jodongo mor gi nyikwagi, mana kaka yawuowi mor gi wuonegi.

Ngeche 30:11

Nitie ji ma kuong’o wuonegi, kendo ma ok mi minegi luor.

Ngeche 30:17

Ng’at manyiero wuon, kata machayo min mare ka oti, onego achuth cham, kata onego agak lodh wengene!

Isaya 1:2

Winjuru un polo gi piny, kendo chikuru itu, nikech Ruoth Nyasaye osewuoyo, ka wacho niya, “An gi nyithindo ma asepidho modoko madongo, to koro gisepiem koda.

Isaya 43:23

Ok usetimona misengni miwang’o pep mag rombe, kendo ok usemiya duong’ kutimona misengni mamoko. To ok asechandou mondo utimna misengni mag cham, bende ok asemiyou ting’ mapek, ka adwaro ni mondo uwang’na ubani.

Isaya 45:10

Bende nyathi ma koro eka icholo diwach ni wuon gi min ni, ‘Ang’o munywoloni?’ ”

Isaya 64:7

Onge ng’ama lami, kata matemo mondo opadre kuomi, nikech ipandonwa wang’i kendo ijwang’owa e richowa.

Isaya 64:8

To kata kamano, A Ruoth Nyasaye in e wuonwa. Wan lop chuech, to in e jachwechwa, kendo wan duto wan tich lweti.

Jeremia 23:11

Ruoth Nyasaye wacho niya, “Timbe jonabi gi timbe jodolo ok ler. Asejukogi ka gitimo richo kata mana e Hekalu mara!

Jeremia 3:4

To koro eka uwachona niya, ‘In wuonwa, kendo iseherowa chakre tindowa.’

Jeremia 31:9

Joga noduog kaywak, to anakue chunygi ka atelonigi e yo. Anatergi e aore mabeyo mamol, kendo ok ginichwanyre nimar giniwuoth e yo maber. An wuon jo-Israel, kendo Efraim e wuoda makayo.

Jeremia 35:16

Nyikwa Jonadab oserito chik mane kwargi omiyogi, to un to utamoru winja.

Ezekiel 22:26

Jodolo bende ketho chikna, kendo ok gimi gik mowalna duong’. Ok gipog gik ma owalna gi gik ma ok owalna, bende ok gipuonj ji pogruok manie kind gik maler kod gik ma ok ler, kendo ok girit Sabatona. Mano emomiyo jo-Israel ok miya duong’.

Hosea 12:8

To eka giwacho niya, ‘Wamew, nimar waseyudo mwandu, kendo onge ng’ama nyalo wacho ni waseyudogi e yor miganga.’

Hosea 4:6

Un joga, osetieku, nikech ok uyie lochna. Jodolo mau osedagi yie kuoma, kendo gisetamore puonjna. Omiyo adagi ni un gi yawuotu ok ubed jodolona.”

Hosea 5:1

“Un jodolo, winjuru wachni! Chikuru itu, un jo-Israel. Winjuru un joka ruoth, nikech un ema onego ung’ad ni ji bura, to koro un ema ibiro ng’adnu bura. Usemiyo obadho omako jo-Mizpa, kendo uchalo gogo mamako ji ewi got Tabor.

Tim jo-Lawi 19:3

Ng’ato ka ng’ato kuomu nyaka luor min gi wuon, kendo nyaka rit Sabato maga. An e Ruoth Nyasaye ma Nyasachu.

Zefania 3:4

Jonabi mage ne joyiem, kendo ne ok gin jonabi madiera, bende jodolo mage ne ok dew gik mowal ni Nyasaye, kendo ne giketho chik.

Malaki 2:1

Un jodolo, Ruoth Nyasaye ochikou kama:

Malaki 2:10

Uwacho niya, “Donge waduto wuonwa en achiel? Donge Nyasaye achiel ema ne ochueyowa? Ka kamano, to ere gima omiyo waketho singruok mane Nyasaye otimo gi kwerewa, ka ng’ato ka ng’ato ketho singruok motimo gi wadgi?

Malaki 2:8

To un jodolo usebaro, muweyo yo makare. Puonj maru osemiyo ji mang’eny ochwanyore. Bende un jo-Lawi, useketho singruok mane atimo kodu.

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

Mathayo 15:4

Nyasaye nowacho ni, ‘Luor meru gi wuoru’, kendo ni, ‘Ng’at moyanyo wuon kata min nyaka negi’.

Mathayo 15:6

to koro ok onego okony wuon gi gimoro. Mano e kaka umiyo chike Nyasaye bedo kayiem nono, kuluwo chikeu uwegi.

Mathayo 19:19

luor wuoru gi meru, kendo her wadu kaka iherori iwuon.”

Mathayo 6:9

“To un onego ulem kama: Wuonwa manie polo, nyingi mondo omi luor.

Mathayo 7:21

“Kik upar ni ji duto ma luonga ni,’ Ruoth, Ruoth,’ ema nodonji e Piny Ruodh Polo. Ooyo, joma timo gik ma Wuora manie polo dwaro kende ema nodonji.

Mariko 10:19

Donge ing’eyo chike mawacho ni, ‘Kik ineki, kik iterri, kik ikwal, kik ihang wach, kik imechi e yor wuond, kendo ni, luor wuoru gi meru’?”

Mariko 7:10

Musa nochiko ni, ‘Luor wuoru gi meru’, kendo ni, ‘Ng’at moyanyo wuon kata min nyaka negi’

Luka 10:29

To kaka ng’atno ne dwaro nyiso ni penjone riek, nomedo penjo Yesu ni, “Wadwa to en ng’a?”

Luka 18:20

Donge ing’eyo chike, mawacho ni, ‘Kik iterri, kik ineki, kik ikwal, kik ihang wach,’ kendo ni ‘Luor wuoru gi meru’?”

Luka 6:36

Omiyo beduru mang’won mana kaka Wuonu ng’won.

Luka 6:46

“Ere gima omiyo uluonga ni, ‘Ruoth, Ruoth’, to ok utim gima awachonu?

Jo-Efeso 6:2

Chik mokwongo man gi singruok kuom Chik Apar e ma: “Luor wuoru gi meru,

Rapar mar Chik 1:31

To bende kane un e thim nuneno kaka ne Ruoth Nyasaye ma Nyasachu oting’ou e wuodhu duto nyaka nuchopo kaeri, mana ka ng’ama ting’o nyathine.

Rapar mar Chik 32:6

Yaye, oganda mofuwo ma onge gi rieko, mano e kaka utimo ni Ruoth Nyasaye adier? Donge en e wuoru mane ochueyou? Donge en ema omiyou doko oganda maratego?

Rapar mar Chik 5:16

“ ‘Luor wuoru gi meru kaka Ruoth Nyasaye ma Nyasachu nochikou, eka mondo udag aming’a, kendo udhi maber e piny ma Ruoth Nyasaye ma Nyasachu biro miyou.

1 Petro 1:17

Ka ulemo, to uluongo Nyasaye ni Wuoro, Jal mang’ado ni ji duto bura, kaka tim ng’ato ka ng’ato obet, ma ok odewo wang’ ng’ato, omiyo nyaka uluore ndalo duto ma udakgo ka welo e pinyka.