Malaki 1:3 - MUMA MALER 2015

³ Esau gi nyikwaye to asin-go. Aseketho piny gode mag Esau, mi aloko obedo thim ma ondiegi dakie.”

Motingʼo Loko Manyien

³ to asin gi Esau kendo aseketho godege, malokogi thim ma ondiegi odakie.”

Malaki 1:3 ပူးပေါင်းရင်းမြစ်များ

Chakruok 25:23

Ruoth Nyasaye nodwoke niya, “Ogendini ariyo nie iyi, to ogendinigo biro pogore. Achiel nobed ratego moloyo wadgi, kendo maduong’ noti ni matin.”

Isaya 35:7

Lop kuoyo ma yande chieng’ oowo gi liet nolokre dago mar pi, kendo sokni nowuog e lowo motwo, mi kuonde ma yande ondiegi ema odakie bed kuonde ma lum gi odundu gi togo dongoe.

Jeremia 49:10

Un to aseyweyou oko gi yuech, kendo asefwenyo kuonde ma upondoe, mi koro onge kama unyalo resorue. Jo-Edom gi wedegi kod joma odak machiegni kodgi osetieki, kendo onge kata ng’at achiel modong’.

Jeremia 49:20

Omiyo winjuru gima asechano timo ni Edom kaachiel gi ji modak e dalagi mar Teman. Kata mana nyithindgi bende noywa oko, mi kibaji nogo ng’ato ka ng’ato.

Jeremia 49:33

Hazor nolokre thim nyaka chieng’, kama ondiegi ema dakie. Onge ng’ama nodag kuno, kata mana ma nobuorie.”

Jeremia 49:7

Ruoth Nyasaye Manyalo Gik Moko Duto nowuoyo kuom jo-Edom kama: “Rieko tinde orumo e piny Edom koso? Donge jorieko maggi ng’adonigi rieko? Koso tinde riekogi olal?

Jeremia 49:8

Jo-Dedan, wichreuru uringi, mondo utony kuonde maboyo, nimar abiro tieko nyikwa Esau, nikech kinde ma akumogie osechopo.

Jeremia 51:37

Babulon nodong’ gunda ma ondiegi ema dakie. Nobed kama bwogo ji ma onge ng’ama odakie, kendo kibaji nogo ji duto moneno gima osetimorene.

Jeremia 9:11

Ruoth Nyasaye owacho niya, “Abiro loko miech Jerusalem gundni kama ondiegi ema odakie, kendo miech Juda abiro loko thim.”

Ywagruok 4:22

Kum mane okumgo jo-Sayun kuom timbegi mamono koro orumo. Ok nochak oriembgi kendo, mondo gibed wasumbni e piny wasikgi. To un jo-Edom ema Ruoth Nyasaye nokumu, kendo enoel kethou e lela.

Ezekiel 36:7

“Emomiyo an Ruoth Nyasaye akuong’ora ni ogendini mokiewo gi Israel noyud wichkuot.

Ezekiel 36:9

An kodu, omiyo abiro konyou, mi puotheu pur, kendo ketie kodhi.

Joel 3:19

Piny Misri biro lokore thim, kendo piny Edom nolokre thim modong’ nono, nikech jopinjego nomonjo piny Juda, mochuero remb joma onge gi ketho.

Obadia 1:10

Notieku kendo nochau nyaka chieng’ nikech ne unego oweteu ma joka Jakobo muyakogi.

Luka 14:26

“Ka ng’ato obiro ira, to ok ojwang’o wuon kod min, gi chiege gi nyithinde koda ka ngimane owuon, to ok onyal doko japuonjrena.