Luka 9:43 - MUMA MALER 2015

⁴³ Ji duto mane ni kanyo nowuoro ahinya duong’ mar Nyasaye. Kane pod ji hum kuom gik moko duto mane Yesu timo, ne owacho ni jopuonjrene niya,

Motingʼo Loko Manyien

⁴³ Kendo giduto ne giwuoro duongʼ mar Nyasaye. Kane ji duto wuoro kuom gigo duto ma Yesu notimo, nowachone jopuonjrene niya,

Luka 9:43 ပူးပေါင်းရင်းမြစ်များ

Zaburi 139:14

Apaki, nikech in ema iwinjori gi luor. Gik moko duto mitimo lich, kendo odhiero ji. Ang’eyogi gi chunya duto.

Zekaria 8:6

“An Ruoth Nyasaye Manyalo Gik Moko Duto, awacho kama: Kata kapo ni gima kamano nenore ni joma odong’ e ogandani ka gima ok nyal timore, koro an bende nonenrena kamano?

Mathayo 17:22

To kane oyudo Yesu wuotho gi jopuonjrene e piny Galili, nowachonigi niya, “Wuod Dhano ibiro keto e lwet ji,

Mariko 6:51

Eka nodonjo irgi e yie mi yamo okue. Ne gidhier nono,

Luka 18:43

Gikanyono wang’e noyepo, mi oluwo Yesu, komiyo Nyasaye duong’, kendo kane ji duto oneno gima otimore, ne gipako Nyasaye.

Luka 4:36

Ji duto mane ni kanyo nohum nono, mi giwacho e kindgi giwegi niya, “Magi weche manadi ma owachogi? Okwero jochiende gi teko maduong’ kendo giwuok awuoka!”

Luka 5:26

Mano ne omiyo giwuoro ahinya, ka luoro omakogi, mi ne gidendo Nyasaye niya, “Mano kaka waneno gik malich miwuoro kawuono!”

Luka 5:9

Nowacho kamano nimar en kaachiel gi joma ne gin go dhogi nomoko nikech rech mang’eny mane gimako.

Luka 8:25

Bang’ mano, nopenjo jopuonjrene niya, “Ere yie ma un-go?” To ne giluor, kendo ne giwuoro, mi gipenjore niya, “Ma en ng’ama nadi, makwero kata mana yamo gi apaka, to winje awinjani!”

Luka 9:42

To e sa mane nyathino dhi ir Yesu, jachien nogoye piny, moguecho marach. Yesu nokwero jachiendno matek, mi ochango wuowino, eka odwoke ni wuon mare.

2 Petro 1:16

Kane wanyisou kaka Ruodhwa Yesu Kristo biro gi duong’ maler, to ne ok wakonyore gi sigendini ma dhano ochuogo, to wan wawegi ne wanene gi wang’wa, ka en gi duong’ne maler duto.