Luka 9:40 - MUMA MALER 2015

⁴⁰ Nende akwayo jopuonjreni mondo ogol jachiendno, to notamogi.”

Motingʼo Loko Manyien

⁴⁰ Ne akwayo jopuonjreni mondo oriembe oko, to ne otamogi.”

Luka 9:40 ပူးပေါင်းရင်းမြစ်များ

2 Ruodhi 4:31

Gehazi notelonigi, kendo kochopo kuno, noketo luth e lela wang’ nyathi, to nyathi noling’ thi, ma ok otimo gimoro manyiso ni ongima. Omiyo Gehazi nodok romo ni Elisha, monyise ni nyathi ok ochier.

Mathayo 17:20

Yesu nodwokogi ni, “Nende ok unyal gole nikech un gi yie matin. Awachonu adier niya, Da bed ni un gi yie kata matin marom mana gi koth karadali, to duwachi ni godni ni, ‘Aye ka, dhi kucha’, mi dodhi. Bende onge gima ditamu timo. [

Luka 9:1

Yesu noluongo jopuonjrene apar gariyo kaachiel, mi omiyogi teko mar golo jochiende duto, kod mar chango tuoche duto.

Luka 9:39

to ka jachien marach obuke, to goye piny, kendo okok matek, kogwecho, kendo dhoge wuok buoyo. Jachiendno sande malit, kendo weye mana ka tekone orumo.

Luka 9:41

Yesu nodwoko niya, “Yaye, ma tieng’ maonge gi yie, kendo mobam manadi! Nyaka karang’o ma onego abedie kodu, ka achandora kodu kama!” Eka nowacho ni ng’atno ni, “Kel wuodi ka.”