Luka 9:31 - MUMA MALER 2015

³¹ mane jobiro e duong’ maler, mi owuoyo gi Yesu kuom tho mane obiro thogo Jerusalem, mondo ochopgo dwaro Nyasaye.

Motingʼo Loko Manyien

³¹ Negiwuoyo kuom thone, mane koro ochiegni chopo ei Jerusalem.

Luka 9:31 ပူးပေါင်းရင်းမြစ်များ

Luka 9:22

Bende nowachonigi niya, “Wuod Dhano nyaka yud masiche mang’eny, kendo jodongo gi jodolo madongo kod jopuonj Chik biro dage. Enonege, to chieng’ mar adek nochier.”

Luka 9:30

Eka ne gipo ka ji ariyo loso kode. Ne gin Musa gi Elija,

Johana 1:29

Kinyne, Johana noneno Yesu kabiro ire, mowacho ni, “Neuru! Jalcha e Nyarombo Nyasaye, magolo richo mag piny!

2 Jo-Korintho 3:18

Wan duto, ma waonge rageng’ e wang’wa, to wachalo gi rang’i, kendo wamiyo ler mar Ruoth nenore, kendo lerno medore ameda pile, ka kitwa medo lokore machal kode. Mano en tich Ruoth ma en Roho.

Jo-Filipi 3:21

Obiro kawo ringrewa manyap kendo matho, mi olok obed machal gi ringre owuon man gi duong’, kotiyo gi teko mamiyo oketo gik moko duto e bwo lochne.

Jo-Kolosai 3:4

Kristo e ngimau maradier, kendo ka ochako oduogo, to un bende unubi kode e duong’ne maler.

Jo-Hibrania 11:22

Yie ema ne omiyo Josef owuoyo kuom wuok jo-Israel e piny Misri, kane ochiegni tho. Nogolo chik bende kuom gima onego otim gi chokene.

1 Petro 5:10

To ka usenwang’o chandruok kuom kinde matin, to Nyasach ng’wono duto, ma oseluongou kuom Kristo e duong’ne mochwere, noduog chunyu, mi miu teko, kendo omiu chuny motegno, koketou e mise ma ok yiengni.

2 Petro 1:15

Omiyo abiro temo matek mondo ane ni nitie yo ma unyalo parogo wechegi kinde duto ka asea.

Fweny 7:14

To ne adwoke ni, “Jaduong’, in ema ing’eyo.” Eka ne owachona niya, “Magi e joma oseneno Sand Maduong’. Giselwoko lepgi e remb Nyarombo, mi gimiyo odoko marachere.