Luka 9:22 - MUMA MALER 2015

²² Bende nowachonigi niya, “Wuod Dhano nyaka yud masiche mang’eny, kendo jodongo gi jodolo madongo kod jopuonj Chik biro dage. Enonege, to chieng’ mar adek nochier.”

Motingʼo Loko Manyien

²² Kendo nowacho niya, “Wuod Dhano nyaka yud sand mangʼeny, kendo ibiro kwede gi jodong oganda gi jodolo madongo kod jopuonj chik, bende nyaka nonege kendo chiengʼ mar adek nochiere obed mangima.”

Luka 9:22 ပူးပေါင်းရင်းမြစ်များ

Chakruok 3:15

Anaket sigu e kindi gi dhako, kendo e kind kothi gi kothe. Nyikwaye noto wiyi, to in nika ofunj tiendgi.”

Daniel 9:26

to e gikone, ng’at ma Nyasaye oseyiero noneg kayiem. Oganda lweny mar jatelo moro nobi, mi keth Jerusalem gi Hekalu. To giko nobi ma mwomore ka ohula, kendo lweny gi masira nobedie mana kaka Nyasaye nochiko.

Zekaria 13:7

Ruoth Nyasaye Manyalo Gik Moko Duto owacho niya, “In ligangla, a malo mondo ichadh jakwadha! Ee, chadh ng’at matiyona. Chutho, neg jakwath mondo rombe oke, nimar abiro kumo joga moyomno.”

Mathayo 17:12

To awachonu ni Elija osebiro, kendo ji ne ok ong’eye, to ne gitimore atima kaka gidwaro. Kamano bende e kaka gibiro sando Wuod Dhano.”

Mathayo 17:22

To kane oyudo Yesu wuotho gi jopuonjrene e piny Galili, nowachonigi niya, “Wuod Dhano ibiro keto e lwet ji,

Mathayo 27:63

“Ruoth, wanyalo paro ni kane jawuondno pod ngima, nowacho ni obiro chier bang’ ndalo adek.

Mariko 8:31

Bang’ mano, Yesu nochako puonjo jopuonjrene kawacho niya, “Wuod Dhano nyaka ne masiche mang’eny, kendo jodongo gi jodolo madongo kod jopuonj Chik nyaka dage. Enonege, to bang’ ndalo adek nochier.”

Mariko 9:31

nikech nopuonjo jopuonjrene. Nowachonigi niya, “Ibiro chiwo Wuod Dhano e lwet ji mi gininege, to bang’ ndalo adek enochier.”

Luka 17:25

To mokwongo nyaka one masiche mang’eny, kendo tieng’ ma kawuononi nyaka dage.

Luka 24:26

Donge ne owinjore ni nyaka Mesia ne masichegi kapok oyudo duong’ne maler koso?”

Luka 24:44

Nowacho nigi niya, “Magi e gik mane awachonu kapod an kodu, kane anyisou ni gik moko duto mondik kuoma e Chik Musa gi Kitepe Jonabi kod Zaburi nyaka timre.”

Luka 24:7

‘Wuod Dhano nyaka ket e lwet joricho, mi gur e msalaba, to chieng’ mar adek enochier.’ ”

Luka 9:44

“Chikuru itu maber, mondo uwinj gima awachonuni; Wuod Dhano ibiro keto e lwet ji.”

1 Jo-Korintho 15:4

Noyike, kendo nochier oa kuom joma otho chieng’ mar adek, bende kaka Muma wacho.

1 Petro 1:11

Roho mar Kristo mane ni kuomgi nonyisogi chon masiche mane Kristo biro yudo, kod duong’ mane biro luwo masichego, omiyo ne gitemo manyo kinde mane gigo biro timore, kendo kaka gibiro timore.