Luka 9:19 - MUMA MALER 2015

¹⁹ Ne gidwoke ni, “Jomoko wacho ni in Johana Jabatiso, to moko wacho ni in Elija, moko bende wacho ni in achiel kuom jonabi machon mosechier.”

Motingʼo Loko Manyien

¹⁹ Negidwoke niya, “Jomoko wacho ni in Johana ja-Batiso, to jomoko wacho ni in Elija to jomoko bende wacho ni in achiel kuom jonabi machon ema osedwogo mobedo mangima kendo.”

Luka 9:19 ပူးပေါင်းရင်းမြစ်များ

Malaki 4:5

“To ka pok chieng’ maduong’ kendo malich mar Ruoth Nyasaye ochopo, abiro oro Elija janabi,

Mathayo 14:2

mi owacho niya, “Nyaka bed ni ng’atni en Johana Jabatiso! Osechier oa kuom joma otho. Mano ema omiyo en gi tekogi duto.”

Mathayo 3:1

E ndalogo, Johana Jabatiso nobiro kalando wach e thim Judea.

Mariko 6:14

Ruoth Herode noyudo osewinjo gigo duto, nimar humb Yesu koro noselak kuonde duto. Ji moko ne wacho ni, “En Johana Jabatiso ema osechier, kendo mano emomiyo en gi teko duto,”

Mariko 6:15

Jomoko to ne wacho ni en Elija. To moko ne wacho ni en janabi machal gi jonabi machon.

Luka 9:18

Chieng’ moro Yesu ne lemo kende, ka en gi jopuonjrene. Eka nopenjogi niya, “Un uwinjo ji wacho ni an ng’a?”

Luka 9:20

Eka nopenjogi ni, “Un to uparo ni an ng’a?” Petro nodwoke niya, “In e Mesia mar Nyasaye.”

Johana 1:21

Eka ne gichako gipenje ni, “To in e Elija koso?” To Johana nokwerogi ni, “Ooyo, ok an Elija.” Ne gichako gipenje ni, “In e janabi mwageno ni biro biro?” Nodwokogi ni, “Ooyo.”

Johana 1:25

Ne gipenjo Johana ni, “Ka ok in Mesia, kata Elija, kata janabi mwageno ni biro birono, to ang’o momiyo ibatiso ji?”

Johana 7:40

Jomoko kuom joma ne owinjo wechego nowacho niya, “Nyaka bed ni jali e Janabi mwasebedo kwageno ni biro biro.”

Johana 9:17

Omiyo ne gichako gipenjo muofuno niya, “In to koro ang’o miwacho kuome, kaka oseyawo wang’i ni?” Ne odwokogi ni, “En janabi.”