Luka 8:6 - MUMA MALER 2015

⁶ To kodhi moko nolwar kama otimo lwanda, kendo kane gisetwi, ne giwang’, nikech lowono ne ok ng’ich.

Motingʼo Loko Manyien

⁶ Moko nolwar ewi lwanda mine gitwi kendo ne gitwo nikech ne gionge kod ngʼich.

Luka 8:6 ပူးပေါင်းရင်းမြစ်များ

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Ezekiel 11:19

Anagol kuomgi chuny matek ka lwanda ma gin-go, mi amigi chuny manyien mar luora. Adier, anamigi chuny malong’o.

Ezekiel 36:26

Anamiu chuny manyien kod paro manyien. Bende anagol kuomu chuny matek ka lwanda, mi amiu chuny malong’o.

Amos 6:12

Farese bende nyalo ringo e kite? Koso dhok nyalo puro nam? To un uloko bura makare mana gima kech, kendo tim maber uloko mana gima rach.

Luka 8:13

To kodhi mane olwar kama otimo lwanda ochung’ kar jogo ma winjo wachno, kendo yiego gi mor. To wachno ok mok e chunygi, to gibedo gi yie mana kuom ndalo matin kende, to ka tem obiro, to gipodho.

Luka 8:5

“Ng’at moro ne odhi chuoyo, kendo kane oyudo ochuoyo, kodhi moko nolwar e wang’yo, mi ji nonyonogi, kendo winy nochamogi.

Luka 8:7

Kodhi moko to ne olwar e kind kudho, kendo kudho nodongo e kindgi, mothung’ogi.

Jo-Hibrania 3:15

Muma wachonwa wan bende niya, “Winjuru dwond Nyasaye kawuono. Kik wiu dok matek kaka ne wi kwereu odoko matek kane ging’anyo ni Nyasaye.”