Luka 8:54 - MUMA MALER 2015

⁵⁴ To Yesu nomako lwet nyathino, mi owachone matek niya, “Nyako, a malo!”

Motingʼo Loko Manyien

⁵⁴ To nomako lwet nyakono kendo nowacho niya, “Nyathina, chungi ia malo.”

Luka 8:54 ပူးပေါင်းရင်းမြစ်များ

Jeremia 31:32

Ok nochal gi singruok mane atimo gi kweregi kane atayogi kagologi e piny Misri, nimar ne giketho singruok mane atimo kodgi kata obedo ni ne an ruodhgi.

Mathayo 9:25

Eka kane osegol ji oko, Yesu nodonjo e ot, kuma nyako nitiere. Ne omako bade, mi ochung’.

Mariko 1:31

Yesu ne odhi ire, momako lwete kendo ochunge. Midhusu mane dhakono nigo norumo, kendo notiyonigi.

Mariko 8:23

Yesu nomako lwet ng’atno mi ogole oko e dala. Ne ong’ulo olawo e wang’e kendo oketo lwete kuome. Eka ne openje niya, “Bende inyalo neno gimoro?”

Mariko 9:27

To Yesu nokawo lwete ka chunge mi oa malo.

Luka 8:51

Kane ochopo e odno, ne ok oyie ni ng’ato mondo odonj kode, mak mana Petro gi Johana kod Jakobo, kaachiel gi wuon nyathi kod min mare.

Luka 8:53

To giduto ne ginyiere anyiera, nikech ne ging’eyo ni nyathi osetho.

Luka 8:55

Chunye nodwogo, mi oa malo mana gikanyono. Eka Yesu nowachonigi ni mondo gimiye chiemo ocham.

Johana 11:43

Kane osewacho kamano, nokok matek niya, “Lazaro, wuog oko!”

Johana 5:21

Kaka Wuoro chiero joma otho, komiyo ngima, e kaka Wuowi bende yiero joma odwaro, kendo omiyo ngima.

Tich Joote 9:40

To Petro nogologi oko giduto, mi ogoyo chonge piny, olemo. Eka nowichore mochomo nyako mothono, mi owacho niya, “Tabitha, a malo!” Tabitha noyawo wang’e, kendo kane oneno Petro, nobet piny.

Jo-Rumi 4:17

mana kaka Muma wacho niya, “Aseketi wuon ogendini mang’eny.” Kuom mano, singruok nigi teko e nyim Nyasaye mane Ibrahim oyie kuome. En e Nyasaye machiero joma otho, kendo ma gima owacho miyo gik maonge betie.