Luka 8:47 - MUMA MALER 2015

⁴⁷ Kane dhakono oneno ni osefwenye, nobiro kokirni, mi opodho piny e tiend Yesu. Eka ne onyise, mana e nyim ji duto kanyo, gima ne omiyo omule, kendo kaka ne ochango mana gi kanyono.

Motingʼo Loko Manyien

⁴⁷ Bangʼ kane dhakono oneno ni ok onyal aa ma ok ofwenyore, nobiro ka otetni kendo nopodho e tiend Yesu. Nohulo e nyim ji duto gimomiyo nomule kendo kaka nochango sano sano.

Luka 8:47 ပူးပေါင်းရင်းမြစ်များ

Zaburi 2:11

Tiuru ni Nyasaye gi luoro,

Zaburi 38:9

A Ruoth Nyasaye, ing’eyo gima adwaro, kendo churna bende ok okia.

Zaburi 66:16

Un ji duto muluoro Nyasaye, biuru mondo anyisu gik ma osetimona.

Isaya 66:2

Gigi duto an ema achueyo, kendo an e wuon-gi. An Ruoth Nyasaye ema awacho kamano. Ng’at ma abiro konyo en ng’at mamuol, ma chunye otur, kendo ma tetni kowinjo wachna.

Hosea 13:1

Chon kane jo-Efraim wuoyo, to ji mamoko tetni. Dhoodgi ne duong’ moloyo dhout Israel mamoko. To ji noketho kuom lamo Baal, kendo gibiro tho nikech wachno.

Hosea 5:3

Ang’eyo kaka jo-Israel chalo, kendo ok ginyal pondona. Giseweya kaka dhako weyo chwore, to dwanyore gi chwo mamoko.”

Habakuk 3:16

Ka awinjo gigi to kibaji goya, kendo dhoga tetni. Chokena duto nyosore, kendo tiendena kirni ka luoro ohewa. Ahora mos, karito chieng’ ma masira biro makoe joma monjowa.

Mathayo 28:8

Mongo noa e liel piyopiyo, kaluor, to kendo mor ahinya, mi giringo gidhi nyiso jopuonjrene.

Mariko 5:33

Dhakono nong’eyo gima osetimorene, omiyo nobiro kokirni, ka luoro omake, mi opodho e tiend Yesu, mohulone gima osetimorene.

Luka 8:46

To Yesu nowachone niya, “Kata kamano, ang’eyo ni ng’ato osemula, nikech awinjo ka teko owuok kuoma.”

Luka 8:48

Yesu nowachone niya, “Nyara, yieni ema omiyo ichango. Dhiyo gi kue.”

Tich Joote 16:29

Eka jarit jela noluongo mondo okelne taya kendo nopodho e tiend Paulo gi Sila kokirni.

1 Jo-Korintho 2:3

Kane abiro iru, to ne anyap, kendo luoro nomiyo denda duto otetni,

2 Jo-Korintho 7:15

Kapo ni ne apakoune, to ok usemiyo wiya okuot. Pile kaka wasebedo mana ka wawachonu adiera kende, kamano bende e kaka pak mane wapakougo medore ameda, koparo kaka uduto ne umako wach, kendo kaka ne urwake gi luoro kod kibaji.

Jo-Filipi 2:12

Kuom mano, osiepena, kaka ne uwinjo wachna kane an kodu, koro ka an mabor kodu, to ber mondo uwinj wachna moloyo. Tiuru gi luoro kod kibaji, mondo umi warruok ochop kare,

Jo-Hibrania 12:28

Emomiyo wagouru erokamano ni Nyasaye, nikech wanwang’o piny manyien ma ok nyal yiengni, walameuru kaka owinjore, ka wamiye duong’ kod luor,

1 Samuel 16:4

Kuom mano Samuel nodhi Bethlehem kaka Ruoth Nyasaye nowachone. Jodong dala nobiro romone ka kirni, mi gipenje niya, “Ibiro gi kue koso?”