Luka 8:43 - MUMA MALER 2015

⁴³ To dhako moro ne ni kanyo mane iye osechuer kuom higni apar gariyo. Kata obedo ni nosetieko mwandune duto kochulo jothieth, to onge kata achiel mane nyalo thiedhe.

Motingʼo Loko Manyien

⁴³ To dhako moro ne ni kanyo mane osebedo ka iye chwer kuom higni apar gariyo to onge ngʼat mane nyalo change.

Luka 8:43 ပူးပေါင်းရင်းမြစ်များ

2 Weche mag Ndalo 16:12

Kane Asa osebedo ruoth kuom higni piero adek gochiko, tuo nomako tiendene. Tuoneno nomedore ahinya, to kata kamano ne ok okwayo Ruoth Nyasaye mondo okonye, to nodhi mana kuom ajuoke.

Ayub 13:4

Un to, uumo adiera gi miriambo, omiyo uchalo jothieth ma ok nyal thiedho tuo.

Zaburi 108:12

Konywa kedo gi wasikwa, nikech kony mar dhano ok nyal gimoro.

Isaya 2:22

Kik iket genoni kuom dhano, nimar onge gima dhano nyalo. En gima nono mana ka muya mawuok e ume!

Mariko 12:44

nimar ji mamoko osechiwo mana gik ma gigolo kuom mwandugi. En to, kata obedo ni odhier kamano, to osechiwo duto ma en-go, kendo ma dokonyrego!”

Mariko 9:18

E kinde duto ma jachiendno obukee, to goye piny, kendo dhoge wuok bwoyo, komuodo lake kendo otal. Nende akwayo jopuonjreni mondo ogol jachiendno to notamogi.”

Luka 13:11

To e od lemo kanyo ne nitie dhako moro man gi jachien moseloke jamidekre kuom higni apar gaboro, kendo dende ne odolore ma ok nyal riere kata matin.

Luka 13:16

Koro dhako ma nyakwar Ibrahim, ma jachien osebedo kotueyo kuom higni apar gaboroni, donge ber kogony e tuech ma kamano chieng’ Sabato?”

Luka 8:27

To kane Yesu owuok oko e dhonam, noromo gi ng’at moro man gi jochiende, ng’atno noyudo osedar e dala mane odakie, kendo kuom ndalo mang’eny, nobedo kowuotho duk, bende ne ok odak e ot, to nosiko mana kama iyikoe joma otho.

Luka 8:42

nikech nyare achiel kende ma jahigni apar gariyo ne tuo, ohewore. Kane Yesu oyudo dhiyo kuno, ji ne thung’e koni gi koni.

Luka 8:44

Nosudo gi yoka ng’e Yesu, momulo riak lawe, kendo gi kanyono rembe nochok.

Johana 9:1

Kane Yesu wuotho, noneno ng’at moro mane onywol muofu.

Johana 9:21

To kata kamano ok wang’eyo kaka koro oneno, to bende ok wang’eyo ng’at moyawo wang’e. To en ng’at maduong’, omiyo penje uru, nikech onyalo dwokou kende owuon.”

Tich Joote 3:2

To e ‘Dhorangach Malong’o’, ne nitie ng’at moro mane osebedo puth nyaka a nyuolne. Ne itere e dhorangach kanyo pilepile, mondo okwa pesa kuom joma donjo e Hekalu.

Tich Joote 4:22

Ng’at mane otim hono kuome mochangono ne jahigni piero ang’wen gi wiye.