Luka 8:27 - MUMA MALER 2015

²⁷ To kane Yesu owuok oko e dhonam, noromo gi ng’at moro man gi jochiende, ng’atno noyudo osedar e dala mane odakie, kendo kuom ndalo mang’eny, nobedo kowuotho duk, bende ne ok odak e ot, to nosiko mana kama iyikoe joma otho.

Motingʼo Loko Manyien

²⁷ Kane Yesu owuok oko e dho wath, ngʼat moro man-gi jochiende moa e dalano noromo kode, kuom kinde mangʼeny ngʼatni ne pok orwako law kata dak ei ot, to nodak e dier liete.

Luka 8:27 ပူးပေါင်းရင်းမြစ်များ

Isaya 65:4

Ne gigwom e liete joma otho, kendo ne gipondo kuonde mobuto otieno duto, bende ne gichamo ring mbidhi, kod chiemo moko makuero.

Kwan 19:16

Kata ka ng’at man oko omulo ng’at moneg e lweny kata ng’at ma otho athoya, kata omulo choke dhano kata mana liel obedo mogak kuom ndalo abiriyo.

Mathayo 4:24

Humbe nolak e piny Siria duto, omiyo ji nokelone joma nigi tuoche mopogore opogore, gi joma rem ohingo, kaka joma nigi jochiende gi jondulme kod joathany, mi nochangogi duto.

Mariko 5:15

Ne gibiro ir Yesu, mi gineno ng’at mane osebet ka nigi jochiende mang’eny cha, kobet piny kanyo, korwakore kendo ka wiye koro ber, mi giduto ne gidoko maluor.

Luka 8:26

Ne gikwang’, mi gichopo e piny jo-Gerasi, man loka machielo mar Galili.

Luka 8:28

Kane oneno Yesu, ne oywak matek, mi opodho e nyime kokok niya, “Yaye! Yesu, Wuod Nyasaye Maduong’ Moloyo! Ilaro ang’o koda? Asayi kik isanda!”

1 Samuel 19:24

En bende nolonyo lepe, kendo nodhumore e nyim Samuel mi noriere duk odiechieng’no gotienono duto. Emomiyo wachno olokore ngero ni, “Kara Saulo bende en achiel kuom jonabi.”