Luka 8:24 - MUMA MALER 2015

²⁴ Omiyo ne gisudo ir Yesu mi gichiewe, ka giwachone niya, “Ruoth! Ruoth! Watho!” Yesu noa malo, mokwero yamo gi apaka mager mi oling’, kendo nam nokue.

Motingʼo Loko Manyien

²⁴ Jopuonjre nodhi ire mochiewe, kagiwachone niya, “Ruoth, Ruoth, wabiro nimo!” Nochungo oa malo kendo nokwero yamo gi apaka mager mi ahiti nopie kendo gik moko duto nokwe.

Luka 8:24 ပူးပေါင်းရင်းမြစ်များ

Zaburi 65:7

Ikueyo wuo mar nam gi mar apaka. Koko mar ogendini bende ikueyo.

Isaya 50:2

Kuom mano, ere gima omiyo ne ok ayudo ng’ato, kane abiro iru? Koso kane aluongo, to ere gima omiyo ng’ato ne ok odwoka? Uparo ni bada chiek ma ok nyal warou, kata ni aonge gi teko ma daresugo? Ooyo, ka akok, to nam duono, bende aore lokore piny motwo, mi rech manie igi tho kendo dum marach nikech pi onge.

Jeremia 5:22

An Ruoth Nyasaye apenjo kama: Ere gimomiyo ok unyal luora? Koso ang’o momiyo ok unyal kirni e nyima? Nene aketo kuoyo manie dhonam mondo ogeng’ nam, kendo obed tong’ mosiko ma pi ok nyal kadho. Apaka mag nam nyalo gingore, kendo wuo matek, to ok nyal kadho, kata mwomo.

Nahum 1:4

Kogolo chik, to nembe gi aore duono, mi lokre lowo motwo. Lege mabeyo mag Bashan gi Karmel two, kendo bunge mang’ich man Lebanon wang’.

Mathayo 14:30

To kane oneno yamo, nobedo maluor, mi ochako nyumore e pi. Ne oywak niya, “Ruoth! Resa!”

Mathayo 8:25

Jopuonjrene nosudo ire, mochiewe, kawachone niya, “Ruoth! Reswa, watho!”

Mariko 4:39

Yesu noa malo, mokwero yamo, kendo owacho ni nam ni, “Ling’! Pie!” Gikanyono yamo noweyo kudho, mi nam okue.

Luka 4:35

To Yesu nokwero jachiendno niya, “Ling’ kendo wuog ia kuom ng’atni!” Jachien marachno nogoyo ng’atno piny e nyimgi, mi owuok kuome ma ok ohinye ngang’.

Luka 4:39

Yesu nodhi mochung’ e bath dhakono, eka nokwero midhusu, mi midhusu oweye. Gikanyono noa malo motiyonigi.

Luka 5:5

To Simon nodwoke niya, “Ruoth, nende watiyo matek otieno tulu, to ne ok wamako gimoro. To ka in ema iwacho kamano, to abiro chiko tonde.”

Luka 8:25

Bang’ mano, nopenjo jopuonjrene niya, “Ere yie ma un-go?” To ne giluor, kendo ne giwuoro, mi gipenjore niya, “Ma en ng’ama nadi, makwero kata mana yamo gi apaka, to winje awinjani!”