Luka 8:22 - MUMA MALER 2015

²² Chieng’ moro Yesu nodonje e yie gi jopuonjrene, mowachonigi niya, “Wang’aduru nam mondo wadhi loka cha.” Kuom mano ne gisiayo yie.

Motingʼo Loko Manyien

²² Chiengʼ moro Yesu nowacho ne jopuonjrene niya, “Wadhiuru loka nam komachielo.” Omiyo negidonjo ei yie kendo giwuok gidhi.

Luka 8:22 ပူးပေါင်းရင်းမြစ်များ

Mathayo 14:22

Bang’e Yesu nowacho ni jopuonjrene mondo odonj e yie, otel nyime loka machielo, ka en to pod ogonyo ji mondo odog miechgi.

Mathayo 8:18

Kane Yesu oneno oganda maduong’ kolwore, nowacho ni jopuonjrene mondo ging’ad nam, gidhi loka machielo.

Mariko 5:21

Yesu nong’ado nam, modok loka machielo, kendo oganda maduong’ nobiro, mi olwore e dhowath kanyo.

Mariko 6:45

Gikanyono, Yesu nowacho ni jopuonrene mondo odonj e yie, otel nyime Bethsaida, loka nam komachielo, ka en to ne pod ogonyo ji mondo odog miechgi.

Mariko 8:13

Gikanyono noweyogi, odok e yie, mi ong’ado nam odok loka machielo.

Luka 5:1

Chieng’ moro kane Yesu ochung’ e dho nam Galili, ji nothung’e mondo owinj wach Nyasaye.

Luka 8:23

To kane gikwang’, nindo notero Yesu. Eka ahiti mang’ongo notugore e nam, mi pi nochako pong’o yie kendo koro ne gichiegni tho.

Luka 8:33

Omiyo ne giwuok kuom ng’atno, mi gidhi gidonjo kuom ngurue. Eka nguruego duto noringo matek karidore nyaka ei nam, mi pi onegogi pep.

Johana 6:1

Bang’ mano, Yesu nowuok modhi loka nam Galili, ma bende iluongo ni nam Tiberia.

Tich Joote 27:2

Ne waidho yie moro moa Adramutio mane oyudo dwaro dhi e dhowedhe mag piny Asia, mi ne wawuok. Aristarko ma ja-Makedonia moa Thesalonika bende ne ni kodwa.