Luka 8:18 - MUMA MALER 2015

¹⁸ Emomiyo chikuru itu maber mondo uwinj gima iwachonu, nimar ng’at man-go ema nomedi, to ng’at maongego, noma kata mana mano matin moparo ni en-go!”

Motingʼo Loko Manyien

¹⁸ Emomiyo paruru ahinya maber kaka uwinjo. Ngʼat man-go nomedne mi nobed gi gik mogundho; to ngʼat ma ongego kata mano moparo ni en-go nomaye.”

Luka 8:18 ပူးပေါင်းရင်းမြစ်များ

Ngeche 14:12

Yo ma ng’ato paro ni ber, nyalo mana tere e tho.

Mathayo 13:12

nimar ng’at man-go ema nomedi, bi bed gi gik mang’eny moloyo. To ng’at maongego noma kata mana matin ma en-go.

Mathayo 25:29

nikech ng’ato ka ng’ato man-go ema nomedi, mi bed gi gik mang’eny moloyo. To ng’at maongego noma kata mana mano matin ma en-go!

Mariko 13:14

“Ka uneno Gima Kuero Makelo Kethruok kochung’ kama ok owinjore ochung’ie, to joma nie piny Judea nyaka ring dhi pondi e gode. (Ng’ama somo wachni mondo ong’e tiende!)

Luka 19:26

To nodwoke ni, ‘Akonu ni ng’ato ka ng’ato man-go ema nomedi, to ng’at ma ongego, noma kata mana mano matin ma en-go.

Luka 9:44

“Chikuru itu maber, mondo uwinj gima awachonuni; Wuod Dhano ibiro keto e lwet ji.”

Johana 15:2

Bedena duto ma ok nyag olemo, ong’ado oko, to bede duto ma nyago olemo olwero maler mondo omed nyak.

Tich Joote 10:33

Mano omiyo ne aoroni joote mana gi sano, kendo agoyoni erokamano ahinya kuom biro. To koro waduto eri wan ka e nyim Nyasaye, kwarito wach moro amora ma Ruoth osenyisi mondo iwachi.”

Tich Joote 17:11

Jo-Yahudi mane odak kuno ne nigi chuny mathuolo moloyo mago mane odak Thesalonika. Ne gichiko itgi mi giwinjo wach gi chuny moyangore chuth, kendo ne gisomo Muma pile mondo gine ane ka weche Paulo gin adier.

Jo-Rumi 12:3

Kaka Nyasaye osemiya mich kuom ng’wonone, anyisou ni ng’ato ka ng’ato kuomu kik ketre e duong’ moongego, to mondo opar maber maromre gi yie ma Nyasaye osepogone.

1 Jo-Korintho 14:37

Ka ng’ato paro ni en jahul wach moa kuom Nyasaye, kata ni en gi mich moro mar Roho, to onego ong’e ni gima andikonu en chik moa kuom Ruoth.

1 Jo-Korintho 3:18

Kik ng’ato wuondre owuon! Ka ng’ato kuomu galo ni en ng’at mariek, kaka pinyni okwano rieko, to onego obed mofuwo, eka mondo obed mariek adier,

1 Jo-Korintho 8:2

Ka ng’ato paro ni ong’eyo gimoro, to mano nyiso ni pok ong’eyo gimoro kaka onego ong’e.

Jo-Filipi 3:4

To kata ka da bed ni en wach mar keto geno kuom tim ringruok to an onge gima da aluoro. Chutho, ka en mana wach keto geno kuom ringruok, to onge ng’ama diloya!

Jo-Hibrania 2:1

Mano emomiyo nyaka waket chunywa kuom mako weche ma wasewinjo, mondo kik waba yo.