Luka 8:15 - MUMA MALER 2015

¹⁵ To kodhi mane olwar e lowo maber, gin joma winjo wachno gi chuny makare kendo malong’o, kendo gimake matek, nyaka chop ginyagi.

Motingʼo Loko Manyien

¹⁵ To kodhi manie lowo maber, ochungo kar jogo man-gi chuny malongʼo kendo maber, mawinjo wach, gikane, kendo gibedo modhil ma ginyag cham.

Luka 8:15 ပူးပေါင်းရင်းမြစ်များ

Zaburi 119:11

Akano wachni e chunya, mondo kik akethi e nyimi.

Zaburi 51:10

A Nyasaye, chuena chuny manyien, kendo miya paro malong’o mopong’ gi luor.

Ngeche 3:1

Wuoda, wiyi kik wil gi weche ma apuonji, to pile par gik ma anyisi mondo itim,

Jeremia 15:16

Ne iwuoyo koda, mi awinjo wecheni duto. A Ruoth Nyasaye Manyalo Gik Moko Duto, an ng’ati, omiyo wecheni opong’o chunya gi mor kod ilo.

Jeremia 31:33

Singruok ma anatim gi dhood Israel bang’ ndalogo ema: Anaket chiekena e parogi, kendo anandikgi e chunygi. Anabed Nyasachgi, mi ginibed jogaa.

Jeremia 32:29

Jo-Babulon ma koro monjo Jerusalem biro moke mach, mi obiro wang’ pep kaachiel gi udi ma ji osebedo kawang’o ubani ni Baal e tetgi, kendo timoe misengni miolo piny ni nyiseche mamoko, ka gimiyago mirima.

Mathayo 24:13

To nga’ma otimo kinda nyaka giko ema nokwo.

Luka 11:28

To Yesu nodwoko ni, “Joma winjo wach Nyasaye, kendo mako, gin johawi moloyo!”

Luka 6:45

Kamano ng’at maber golo gik mabeyo kuom mwandu mabeyo manie chunye, kendo ng’at marach golo gik maricho kuom mwandune maricho, nikech gik mopong’o chuny ng’ato ema dhoge wacho.

Luka 8:14

Kodhi mane olwar e kind kudho, to gin jogo, ma winjo wachno, to parruok, gi mwandu, kod mor mar piny, thung’ogi, kendo ok ginyag gimoro maber.

Luka 8:16

“Onge ng’at manyalo moko taya, to aye umo gi atonga, kata keto e bwo kitanda. To okete mana e rachungi taya, mondo orieny ni joma donjo e ot.

Johana 14:15

“Ka uhera to unumak chikena.

Johana 15:10

Ka urito chikna, to eka usiko e herana, mana kaka an bende aserito chik Wuora, kendo asiko e herane.

Jo-Rumi 2:7

Joma osiko katimo maber, kendo dwaro pak gi duong’ moa kuom Nyasaye, kod ngima ma ok rum, nomi ngima ma nyaka chieng’.

Jo-Rumi 6:22

To koro osegonyu e tuech richo, mi udoko wasumb Nyasaye, omiyo ohala muyudo en ngima maler, kendo gikone en ngima ma nyaka chieng’.

Jo-Rumi 7:18

Ang’eyo ni an kaka dhano, onge gima ber man kuoma, nikech kata obedo ni adwaro timo gima ber, to ok anyal.

Jo-Rumi 7:4

Owetena, un bende uchalo kamano. Ne udoko fuond ringre Kristo, omiyo Chik onge gi teko kuomu, nikech uchalo joma otho. Mano notimore mondo ubed jo-ng’at machielo, ma en Jal mane ochier oa kuom joma otho, mondo wan duto wanyag olemo ni Nyasaye.

Jo-Rumi 8:25

To ka wageno yudo gima pok waneno, to rit ma waritegono nyiso ni wan jokinda.

1 Jo-Korintho 7:19

nikech koda oter ng’ato nyangu, koda ok oter, to mano chalre, to gima duong’ en mana rito chik Nyasaye.

Jo-Efeso 2:8

Ne uyie kuome mi oresou mana kuom ng’wonone, to ok kuom gik mane utimo un uwegi. En mana mich mar Nyasaye!

Rapar mar Chik 30:6

Ruoth Nyasaye ma Nyasachu nomi chunyu gi chuny nyikwau tim gik ma odwaro, mondo uhere gi chunyu duto kendo gi adiera, eka ubed mangima.

Jo-Filipi 1:11

ka ngimau ogundho gi timbe mabeyo duto ma Yesu Kristo kende ema nyalo chiwo mondo Nyasaye oyud duong’ gi pak.

Jo-Kolosai 1:10

Kamano unudag e ngima mamiyo Ruoth duong’, kendo unutim gik malong’one e yore duto, kunyago olemo mag timbe mabeyo duto, kendo kumedo ng’eyo Nyasaye.

Jo-Kolosai 1:6

Wach Maberno nyago olemo, kendo olandore e piny ngima, mana kaka oselandore e kindu, chakre chieng’ mane ukwongo winjoe wach ng’wono mar Nyasaye, mi ung’eye adier.

Jo-Hibrania 10:36

To timuru kinda mondo utim gima Nyasaye dwaro, mi uyud gima osesingore ni nomiu,

Jo-Hibrania 2:1

Mano emomiyo nyaka waket chunywa kuom mako weche ma wasewinjo, mondo kik waba yo.

Jakobo 1:4

To nyaka utim kinda nyaka giko mondo ubed joma olony kendo makare chutho, ma ok urem e yo moro amora.

1 Johana 2:3

Ka warito chik Nyasaye, eka wan gi ratiro ni wang’eye.