Luka 8:13 - MUMA MALER 2015

¹³ To kodhi mane olwar kama otimo lwanda ochung’ kar jogo ma winjo wachno, kendo yiego gi mor. To wachno ok mok e chunygi, to gibedo gi yie mana kuom ndalo matin kende, to ka tem obiro, to gipodho.

Motingʼo Loko Manyien

¹³ Molwar e lwanda gin jogo ma rwako wach gi mor ka giwinje, to gionge gi tiendegi. Giyie kuom kinde moromo, to e kinde mag tem gipodho giaa.

Luka 8:13 ပူးပေါင်းရင်းမြစ်များ

Ayub 19:28

Chunya ne otho nikech nuwacho niya, ‘Ere kaka dwasande?’ Adier, ne udwaro yore ma dukedgo koda.

Ngeche 12:12

Joricho dwaro mana timo timbe mamono. Joma kare to timo gik makelo ohala.

Ngeche 12:3

Richo ok nyal miyo ng’ato chuny motegno. Ng’at makare to ogurore motegno.

Isaya 58:2

Kata obedo ni gin joricho kamano, to pod gidwara pilepile, kendo gihero ng’eyo yorena, mana ka oganda ma timo gik makare, kendo ma ok oweyo chik Nyasaye. Gikwaya mondo amigi chike makare, kendo giwacho ni gimor ka gisudo machiegni koda.

Ezekiel 33:32

Gikwani mana ka jawer ma weronigi wende mamit, kata magoyonigi thum. Wecheni duto giwinjo, to onge ma gimako kata achiel.

Hosea 6:4

To Ruoth Nyasaye wacho niya, “Un jo-Israel gi jo-Juda, ang’o ma anyalo timonu? Hera ma uherago lal piyo mana ka ong’weng’o mar okinyi, kata ka tho maduono ka nyango tegno.

Mariko 6:20

nikech Herode noluoro Johana, kong’eyo ni en ng’at makare, kendo moluoro Nyasaye. Kuom mano, norite maber, kendo nohero winjo puonjne, kata nobedo ni puonjnego ne miyo chunye chandore kamano.

Luka 8:12

Omiyo kodhi mane olwar e wang’yo ochung’ kar joma winjo wachno, to Satan biro, kendo gole oko e chunygi, mondo kik gibed gi yie, mi wargi.

Luka 8:14

Kodhi mane olwar e kind kudho, to gin jogo, ma winjo wachno, to parruok, gi mwandu, kod mor mar piny, thung’ogi, kendo ok ginyag gimoro maber.

Johana 15:2

Bedena duto ma ok nyag olemo, ong’ado oko, to bede duto ma nyago olemo olwero maler mondo omed nyak.

Johana 15:6

Ka ng’ato ok obet kuoma to iwite oko, mana kaka iwito bad yath, mi two. Bede ma kamago ichoko, kendo iwito e mach, mi wang’.

Johana 5:35

Johana ne en taya marieny maler, kendo kuom kinde moko ne uyie mondo lerno omiu mor.

1 Jo-Korintho 13:2

Kata da bed ni an gi mich mar hulo wach moa kuom Nyasaye, kendo ang’eyo midhierni kod rieko duto, kendo kata da abed gi yie mogik ma anyalo gologo gode kuonde ma gintie, to aonge gi hera, to ok an gimoro ngang’!

1 Jo-Korintho 15:2

bende en ema uyudo resruok kuome, to mana ka usiko uyie gi gima ne apuonjou, kapo ni ok uyie kayiem nono.

Jo-Galatia 3:1

Yaye, un jo-Galatia mofuwogi! Ng’ano moseirou, un mane onyisu wach tho Yesu ratiro, mana ka gima ogure e msalaba e wang’u kunenoni?

Jo-Galatia 3:4

Gik madongo duto mane otimorenugi osebet kayiem nono koso? Ooyo, ok apar ni mano nyalo bedo kamano!

Jo-Efeso 3:17

kendo mondo Kristo olos kar dakne e chunyu kuom yie. Akwaye bende mondo umoki kendo ugurru e hera,

Jo-Kolosai 1:23

To nyaka usik e yie ma un-gono ka uchung’ motegno e mise, ma ok uyiengni uweyo geno mane ubedogo kane uwinjo Injili. En e Wach Maber ma oselandi ni chuech duto e piny ngima, kendo an Paulo ne oketa mondo abed jatich wach maberno.

Jo-Kolosai 2:7

Beduru kumoko kuome, kendo kugeroru kuome, kendo kumedo bedo gi yie motegno, mana kaka ne opuonju, kendo gouru erokamano mogundho.

1 Jo-Thesalonika 3:5

Mano emomiyo, kane ok wanyal medo bet mos, to naoro Timotheo mondo awinj kaka yieu chal, nikech ne aluor ni dipo ka Satan osetemou, mi tichwa obedo kayiem nono.

1 Timotheo 1:19

kendo bed gi yie motegno, kionge gi gimoro ma dimi chunyi thagi. Jomoko osetimo gik ma chunygi nyisogi ni ok kare, omiyo koro giseweyo yie mane gin-go, mi gilal.

Jo-Hibrania 10:39

Wan to ok wan kuom jogo madok chien kendo lal, to wan kuom jogo moyie, kendo ma Nyasaye biro reso.

Jakobo 2:26

Kaka ringruok maonge muya otho, e kaka yie bende maonge tim otho.

2 Petro 2:20

Ka ji osetony e kethruok mar pinyni nikech ging’eyo Ruodhwa kendo Jawarwa Yesu Kristo, to eka gichako giduodore e kethruok, mi kethruok makogi, to ngima ma gibedogo achien doko marach moloyo ngima mane gin-go mokwongo.

2 Petro 2:22

Osetimorenigi mana kaka ngero wacho ni, “Guok odok nang’o ng’okne,” kendo ni, “Ngurue moselwoki odok ng’ielore e chuodho.”

1 Johana 2:19

Ne giweyowa nikech ne ok gin jowa, to ka dine gibed jowa, to dine gisiko kodwa. To ne giweyowa mondo ong’ere malong’o ni giduto ok gin jowa.

Juda 1:12

Jogi gin mbelni e sewni mutimo mag hera, ka gichiemo kodu maonge wichkuot. Gin jokwath maparo mana gin giwegi kende! Gichalo rumbi ma yamo riembo to ok kel koth, kendo gichalo yiend olemo ma ok nyagi e ndalo oro, kendo mopudh gi tiendgi, mi otho chuth.