Luka 7:42 - MUMA MALER 2015

⁴² Kane jahol pesa oneno ni chulo pesago otamogi, noweyogi giduto. Koro kuom ji ariyogo, ere ma iparo ni diher jahol pesano moloyo?”

Motingʼo Loko Manyien

⁴² Giduto ji ariyogi ne gionge gi pesa ma gichulego, omiyo noweyonegi gopegi. Koro en mane kuomgi mabiro here moloyo?”

Luka 7:42 ပူးပေါင်းရင်းမြစ်များ

2 Samuel 14:13

Dhakono nowacho niya, “King’ado wach wuoda kamano, to imiyo bura loyi in iwuon,, nikech idagi omo jal ma niriembo, mondo oduog dala. Marang’o iseparo wach ma diketh jo-Nyasayeni?

Zaburi 103:3

En ema oweyona richona duto, kendo ochango tuochena pep.

Isaya 43:25

An kende e jal ma rucho richou oko, mi ok chak par kendo, nikech mano e gima ahero timo.

Isaya 44:22

Aserucho richou, mi oduono mana ka ong’ueng’o. Ee, asekeyo timbeu mamono mana ka boche polo. Duoguru ira, nikech asewarou.”

Mathayo 18:27

Kane ruodhe owinjo kamano, nokeche, mogonye, kendo oweyone gowino.

Mathayo 18:34

Mirima nomako ruodhno ahinya, mi otero jatichneno e jela, mondo okume kuno nyaka chop ochul gowino duto.”

Mathayo 6:12

bende wenwae richowa, kaka waweyo ni joma timonwa marach.

Luka 7:43

Simon nodwoke ni, “Aparo ni en jal mane owene pesa mang’eny ka.” Yesu nowachone ni, “Idwoko kare.”

Jo-Rumi 3:24

To Nyasaye miyo gibet e winjruok kode kuom ng’wonone, nikech Yesu Kristo nowarogi.

Jo-Rumi 5:6

Kane pod ok wanyal gimoro, wan joma ok oluoro Nyasaye, to Kristo nothonwa e ndalo mane Nyasaye oketo.

Jo-Galatia 3:10

To jogo moyiengore kuom rito Chik kaka gima miyo gibedo e winjruok gi Nyasaye nie bwo kuong’, nikech Muma wacho niya, “Okuong’ ng’ato ang’ata ma ok osiko omako weche duto mondiki e kitap Chik!”

Jo-Efeso 1:7

Nyasaye oseweyonwa richowa, kendo osewarowa nikech tho mar Kristo. Mano kaka mich

Jo-Efeso 4:32

To beduru mang’won, ka ng’ato ka ng’ato kecho wadgi, kendo weyone richone, mana kaka Nyasaye oseweyonu kuom Kristo.

Jo-Kolosai 3:13

Beduru jogo ma ng’wono ni joma timonigi marach, to kik ubed joma mako sadha gi jowadgi. Ruoth oseweyonu richou, omiyo un bende nyaka uwe ni joma timonu marach.