Luka 7:38 - MUMA MALER 2015

³⁸ mi obiro mochung’ ka dieng’e Yesu, but tiende. Noywak, kendo pi wang’e nolwoko tiend Yesu. Eka noyweyo tiend Yesu gi yie wiye, mi onyodho, kendo owiro gi mo mang’ue ng’arno.

Motingʼo Loko Manyien

³⁸ kendo nochungʼ e toke, but tiende, pi wangʼe nolwar e tiendene ma gitimo pi eka noyweyogi gi yie wiye, monyodhogi kendo noolo mo mangʼwe ngʼar kuomgi.

Luka 7:38 ပူးပေါင်းရင်းမြစ်များ

Chakruok 18:4

Weuru aomnu pi mondo uluokgo tiendu, kendo uyue e tiend yadhni.

Ezra 10:1

Kane Ezra lemo kendo hulo richo, koriere piny kendo oywak e nyim Od Nyasaye, oganda jo-Israel maduong’ nobiro molwore. Ne gin chwo gi mon kod nyithindo, kendo giduto ne giywak malit.

Zaburi 38:18

Ahulo richona, kendo ka aparogi, to kibaji ema goya.

Zaburi 51:17

A Nyasaye, misango midwaro en chuny mobolore, nikech ok nidagi chuny motur kendo mojok gi richo.

Eklesiastes 9:8

Pile onego irwakri maber, kendo ibed mamor.

Wer Mamit 1:3

Mo miwirorigo ng’we ng’ar. Kata mana nyingi kawinjo to dumna mamit ka mo mopukore, omiyo nyiri duto oheri.

Isaya 57:9

Ne iwirori gi modhi mondo ilomb nyasaye manono miluongo ni Molek, kendo ne ibukori gi poda mang’eny mang’ue ng’ar, mi ioro jooteni kuonde maboyo, koda ka e Pinje Joma Otho.

Isaya 61:3

Abiro hoyo chuny ji duto man gi lit, kendo gik ma abiro miyogi e magi: Maua mabeyo, kar buru ma gibukorego; kendo mor, kar lit ma gin go, kod pak, kar bedo gi chuny mool. Enoluonggi ni, yien mag tim makare, ma Ruoth Nyasaye opidho mondo oyudgo duong’.

Jeremia 31:9

Joga noduog kaywak, to anakue chunygi ka atelonigi e yo. Anatergi e aore mabeyo mamol, kendo ok ginichwanyre nimar giniwuoth e yo maber. An wuon jo-Israel, kendo Efraim e wuoda makayo.

Joel 2:12

Ruoth Nyasaye owacho niya, “To kata mana sani, lokreuru gi chunyu duto, mondo uduog ira kuriyo kech, kendo kuywak kendo kukuyo.

Zekaria 12:10

Anami joka Daudi gi jo-Jerusalem chuny mang’won, kendo mohero lemo. Eka bange giniteg wang’gi kuom jal mane gichwowo, mi otho, kendo giniywage mana ka joma ywago nyathi ma miderma. Adier, giniywag malit mana ka joma ywago wuodgi makayo.

Mathayo 5:4

“Joma okuyo gin johawi, nikech nohogi.

Luka 22:62

Mano omiyo Petro nowuok oko, moywak malit.

Luka 6:21

“Un johawi, un joma kech kayo ndalogi, nikech unuyieng’! “Un joma ywak ndalogi, un johawi, nikech ununyier!

Luka 7:37

To ne nitie dhako moro e gweng’no ma jachode. Kane owinjo ni Yesu chiemo e od ja-Farisaino, nokawo chupa molos gi alabasta, moting’o mo mang’ue ng’ar,

Luka 7:39

To kane ja-Farisai mane oluongo Yesu e odeno oneno kamano, nowacho e chunye niya, “Ka da ng’atni en janabi adier, to da ong’eyo ni dhako ma muleni en ng’a! Bende dong’eyo ni en jaricho.”

Johana 11:2

Maria ema ne owiro Ruoth Yesu gi mo mang’ue ng’ar, kendo oyweyo tiendene gi yie wiye. Ne en nyamin Lazaro, mane tuo.

Jakobo 4:9

Koro ma e kinde ma onego ubedie gi kuyo, kuywak kendo ugoyo nduru. Ber mondo nyiero munyierogo olokre ywak, kendo mor ma un-go olokre kuyo.