Luka 7:29 - MUMA MALER 2015

²⁹ Bende awachonu ni, kane ji duto, koda ka josol osuru, owinjo weche Johana, ne ginyiso ni giyie ni gima Nyasaye dwaro ni kare ka giyie mondo Johana obatisgi.

Motingʼo Loko Manyien

²⁹ (Ji duto, kata mana jasol osuru, kane giwinjo weche Yesu, ne giyie ni yor Nyasaye ni kare, nikech nosebatisgi gi Johana.

Luka 7:29 ပူးပေါင်းရင်းမြစ်များ

Zaburi 51:4

In kendi ema asekethoni, ka atimo gik ma ok ler e nyimi. Kuom mano, ayie ni in kare kiyala, kendo ka ing’adona bura.

Mathayo 5:46

Ka uhero mana joma oherou kende, to ere pok ma uparo ni duyudi? Donge kata josol osuru bende timo mana kamano?

Luka 20:6

To ka wawacho ni noa kuom dhano, to ji duto man kagi biro chieliwa gi kite, nikech giyie ni Johana ne janabi.”

Luka 3:12

Josol osuru bende nobiro ir Johana mondo obatisgi, mi ne gipenje niya, “Japuonj, ere gima onego watim?”

Luka 7:28

Awachonu adier ni kuom yawuowi duto ma mon onywolo, onge moro maduong’ie moloyo Johana, kata kamano, ng’ama tinie mogik e Loch Nyasaye to oloye gi duong’.

Luka 7:35

To kata kamano awachonu ni, ji duto moyie rieko mar Nyasaye, ong’eyo ni en adier.

Tich Joote 18:25

Nosepuonjore wach Yor Ruoth, kendo nopuonjo wach Yesu kare koketo chunye. To kata kamano, nong’eyo mana batiso mar Johana kende.

Tich Joote 19:3

Eka Paulo nopenjogi ni, “To ne obatisu gi batiso mane?” Ne gidwoke ni, “Nobatiswa gi batiso mar Johana.”

Jo-Rumi 10:3

nikech pok ging’eyo yo ma Nyasaye miyogo ji bet e winjruok kode, to gise mana temo loso yorgi giwegi. Kamano ne ok giyie luwo yo ma Nyasaye miyogo ji bet e winjruok kode.

Fweny 15:3

Ne giwero wend Musa jatich Nyasaye, kod wend Nyarombo, niya, “A Ruoth Nyasaye Manyalo Gik Moko Duto! Mano kaka tijeni dongo! A Ruodh ogendini, mano kaka yoreni kare kendo adier!

Fweny 16:5

Eka ne awinjo malaika man gi teko kuom pige kawacho niya, “A Ng’ama Ler, mantie kendo mane nitie! Bura miseng’ado ni, iseng’ado e yo makare,

Jong’ad Bura 1:7

Eka Adoni-bezek nowacho niya, “Ruodhi piero abiriyo mong’ad lith luetegi mathuondi kod lith tiendegi mathuondi yande kwanyo mana ng’injo mag chiemo e bwo mesana. To koro Nyasaye osetimona mana kaka natimonigi.” Bang’e nokel Adoni-bezek Jerusalem, motho kuno.